اصل الحكايه عمرها ما كانت بالفلووس أنا شنطتي "ماركة"..* أنا ساعتي "ماركة"..* أنا بنطلونى "ماركة"..* أنا جزمتي "ماركة".....
قال وزير التجارة الفرنسي : (الماركات) هي أكبر كذبة تسويقية صنعها الاذكياء لسرقة الاثرياء فصدقها الفقراء !!
مش شرط أشيل " iphone " .. عشان تقول اني ذكي وافھم ..!!
* مش شرط أكل كل يوم في " Mac " او " KFC " .. عشان تقول إني معايا فلوس ..!!*
مش لازم لما أحب أقعد مع إصحابي .. نقعد... كل يوم في " Star Bucks " او " Costa " عشان نقنعك إننا أولاد ناس ..!!*...
مش شرط أجيب لبسي من " Adidas " او " Nike " عشان أكون نضيف ..!!
* مش شرط أبرطم بالإنجليش .. وكل جملة أدخل فيها كلمتين عشان تقول عني مثقف ..!!
* مش شرط أمشي أسمع " Adele " أو " Rihanna " عشان تقول عني متحضر ..!!
انا معظم لبسي من وسط البلد يا سيدي .. باقعد مع اصحابي في اي مكان . ولما نجوع بناكل عادي من اي مكان .. بتكلم عربي عادي (مع انى ممكن اكون باتكلم إنجليش أحسن منك) ..ولو شايف إني فقير مثلا أو بخيل .. فأحب أقول لحضرتك .. إنك كمان مريض ..أنا ممكن أعمل كل اللي فوق .. بس كل الفكرة إني شفت ناس .. ممكن يعيشوا إسبوع كامل بسعر تى - شيرت من Adidas ..شفت عائلات ممكن يتغدوا كلهم بثمن قعدة من قعدات Star Bucks ..فعرفت وقتها إن الفلوس مش كل حاجه ..وعرفت إن اللي بيقيس الناس بالمناظر .. ده لازم يتعالج بسرعة ..عشان المناظر عمرها ما كانت مقياس للتحضر
التحضر الحقيقي .. تحضر الأخلاق والعقل