|
نشر موقع الدستور المصرى ، تلخيص للمداخلة التى اجرها نادر بكار ، مساعد رئيس حزب النور السلفى ، لشؤون الاعلام ، مع محمود الوروارى مقدم برنامج ( الحدث المصرى ) ، والذى يتم أذاعتة على قناة العربية ، حيث عبر بكار عن غضبة من قرار حظر الاحزاب التى تقوم على اساس دينى ، من المشاركة السياسية فى البلاد ، وأكد ان هناك محاولات لتظهر فشل الاخوان على انة فشل للمشروع الاسلامى ككل ، وهذا غير صحيح ، حسبما أكد بكار ، حيث يرى ان هناك طبقة كبيرة من الشعب المصرى ، يرى الاسلام الدين والدولة ، وبالنسبة لهم الدين يدخل فى جميع المجالات بما في ذلك السياسة ، وقرار الحظر لن يمنع الإسلاميين من السياسة ، ولن يغير هذا الواقع الذى يحاول البغض تجاهلة ، حسب ما صرح نادر بكار فى مداخلتة .
|
|
حزب الظلام ابعد ناس عن الدين
|
|
الاسلام دين الدولة من قبل انت ماتيجي يا بكار انت وحزبك
مصر اسلامية وستظل اسلامية في غياب الاحزاب اللي بيقولواعليها اسلامية ولم نري منها اي اسلام تحب اقولك علي نماذج علي اسلامية يا بكار..نسيت البلكيمي وعلي ونيس اللي كل واحد دقنه فيها قفة شعر اعتقد انها نماذج سيئة المساجد قبل ظهوركم كانت تمتلأ بالمصلين في كل صلاة وغيابكم عن الساحة لن يضر الاسلام في شيئ بل سيكون منفعة يا من قسمتم البلاد قول لنا يا كابتن بكار كنت في امريكا بتعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
|
بص يا عم بكار . من الاخر انتم متختلفوش كتير عن الاخوان ولو انى اعترف بتقدمكم السريع فى السياسه . انتم ناس عايزين تدخلوا السياسه فى الدين طيب لو فشلتم دا يبقى فشلكم ولا فشل الدين. كمان لما بتفشلوا والناس تخرج عليكم هتقولوا الناس خارجه عالدين ودا حصل بالفعل فى تجربه الاخوان . ثالثا يا بكار مين قال انكم مسلمين اكتر من غيركم بالعكس انا بعتبر الناس العاديه فيهم اكتر منكم تمسك بالدين . وازاى انت بتتكلم باسم الدين وينسب ليك حزب دينىحزب الوفد مثلا موش اسلامى هل انت متدين اكتر من اعضاء كتير بالوفد؟ معتقدش واعتقد ان الفرق بينك وبين غيرك انك بتاجر بالدقن والدين ومتنساش على ونيس والبلكيمى يا بكار وشفتكم نزلتم الانتخابات بناس لا تعلم شيء لا عن لدين ولا السياسه وكل مؤهلاته ذقن . يا بكار الشعب المصرى معظمه مسلم اسلام الازهر الشريف مصر موش محتاجه فتح اسلامى ولا سياسه اسلاميه ولااقتصاد اسلامى مصر محتاجه خلق اسلامى عمل اسلامى موش تضرب ذقن وتقول انا اسلامى يا بكار الدين الاسلامى اكبر منكم كتير واكبر من عقولكم والسياسه كمان غير اللى انتم بتهببوه ده. سمى حزبك زى ما تحب ومارس سياسه ولا تحتكر الاسلام يا بكار القاده الافزاز اللى فتحوا العالم الاسلامى مكانوش اكثر الناس تدينا والاقتصاديين العظام فى عهد الدوله الاسلاميه الرشيده مكانوش اكثر الناس علما بالدين . وبعدين يا بكار هسالك سؤال انت تتميز عن اى مسلم بايه هل باداءك الدينى ولا بعلمك الدينى عشان عايز تقول على حزبك اسلامى. بكار القطر فرم الاخوان ولو فضلت كده هيفرمك صدقنى انا مسلم صادق معاك يا ريت انتم كمان تكونوا صادقين مع الناس ومع نفسكم
|
|
اولا احترام عقول الناس فى الانتخابات يكون بتقديم برنامج تنموى للمجتمع واظهار قدراتك فى المشاركة السياسية البناءة _ مش بانك اكتر الناس ادعاءا بالتدين
ثانيا لا يجب ان يكون الدين حكرا على افراد او جماعات حتى لا تكون فى فشلهم فشل للدين ثالثا محدش منعك من ممارسة السياسة لكن مارسها بشرف المنافسة وباحترام كونها علم ودراسة _ مش خداع للناس وتغييب للعقول واستقطاب لتعاطفهم اللهم اجعلنا من المعمرين فى الارض والا نكون من المفسدين واحفظ بلدنا واهدنا لما فيه الخير لنا |