آخر عروض تي داتا عرض خصم 50% لمده 6 شهور على اي سرعه وراوتر مجانا للعملاء الجدد

يعني انا مشترك في سرعه 1 ميجا وبدفع 135 جنيه في الشهر ومشترك من 7 سنين في الشركه ويجي واحد جديد لسا بيفكر يشترك في النت وياخد 2 ميجا بـ 110 جنيه وراوتر مجاني كمان

طب المشتركين القدامى يعملو ايه وسط الاستفزاز دا كله ؟؟؟؟؟؟

مفيش اي ميزات خالص لينا ... الا كل سنه يطلع لينا عرض وعرض اي كلام كمان ....

بصراحة حاجه تجيب الجلطه ومفيش فايده في شركات الانترنت اللي بتشفط فلوسنا

لحد الآن مصر لسا فيها سرعه 512 كيلوبايت .. دي فضيحة بجلاجل والله

حاولت اني الغي اشتراكي في تي داتا والاشتراك من جديد

ولكن يبدو انهم يتفننون في اضافه المعوقات ... فعشان اخد رقم الكنسليشن بتاعي هيطلعو عيني .. فانا مظطر اني اقدم على خط تلفون جديد ويتلغي الاولاني براحته بعد شهر او اتنين ... فعلا استغلال من شركات النت

حسبنا الله ونعم الوكيل