بنااات اعضاء وزوار نجوم مصريه , فيه كتير نفسهم شعرهم يبقى طويل , فيه اللى قصه ومرضاش يطول تانى او بيطول بصعوبه , وفيه اللى عايز يغير لوك شعره ويعمل قصه جديده , وبرده اكيد عايزين شعرنا يبقى ناعم وشكله جميل .

عشان المشاكل دى كلهاا معايا 10 خلطات طبيعيه بتساعد على تطويل الشعر بنتيجه مذهله بس لو التزمتو بالوصفه والمقادير , مش بس بتطول الشعر دى الزيوت مليانه فوايد بتغذى الشعر وبتكثفه وكمان بتنعمه .

اسيبكم مع

10 خلطات لتغذيه وتنعيم وتطويل الشعر

:

خلطه 1: [fb]521367[/fb]
8فصوص توم - حطيهم فى الخلاط لحد مايبقو خليط ناعم وحطيهم على شعرك لمده 30 دقيقه كررى العمليه مره كل اسبوع , الخلطه دى بتعمل على تطويل الشعر بطريقه مذهله مع تكثيفه ..
*****************************
خلطه 2:

فص توم مفروم -زيت زيتون-زيت زيتون-زيت لوز -زيت خروع-زيت جرجير (معلقه او اتنين من كل زيت حسب طول الشعر ) .. حطى الزيوت دى على النار مع التوم المفروم ناعم جدا يدوب الزيوت تسخن وشيليها من على النار , خدى الخليط وحطيه على شعرك ولفي شعرك بكيس بلاستيك او غطا الشهر المخصص بالاستحمام , خليه على شعرك لمده 8 ساعات وبعدين اشطفيه كويس كررى الموضوع ده مره كل اسبوع , ملاحظه : مستعمليش مجفف الشعر خلال فتره استخدام الوصفه ..
***************************
خلطه 3: [fb]521367[/fb]
3معالق عسل ابيض -كوبايه ميه سخنه ..حطى العسل فى الميه السخنه وبعدين حطيه على شعرك وسبيه على شعرك اطول مده ممكنه وبعدين اغسليه , العسل هيغذى الشعر جدا ويقوى بصيلات الشعر
**************************
خلطه 4:
معلقه عسل ابيض-معلقه زيت لوز .. اخلطى العسل والزيت وحطى الخليط على شعرك لمده ساعتين او اكتر واغسلى شعرك كويس بشامبو او بدون .
**************************
خلطه 5:

صفار بيضه-معلقه زيت خروع-معلقه عصير لمون .. اخطلى الزيت مع صفار البيض كويس ودلكى بيهم شعرك وبعدين جيبى كميه ميه سخنه معاها الليمون واغسلى شعرك بيها وبعدين اغسلى شعرك تانى بميه عاديه بارده مش سخنه .
*************************
خلطه 6:
قهوه مطحونه..اعملى القهوه عادى جدا كانك هتشربيها بس بدون اى اضافاااااات بس احنا هنستعملها خارجى ع الشعر , دلكى بمشروب القهوه شعرك وافركى اطرافه كويس جدا لانها هتعالج التقصف غير انها هتطوله . كررى العمليه مره كل اسبوع

*********************
خلطه 7:
حنه شعر - زبادى -معلقه عسل -صفار بيضه -معلقه من اى زيت ..اخلطى المكونات كلها مع بعض وسبيه على شعرك ساعه وبعدين اغسلى شعرك كويس بالميه ..
********************
خلطه 8: [fb]521367[/fb]
حبه البركه مطحونه (الحبه السوده )-علبه زبادى كامل الدسم-معلقه زيت زيتون.. اخلطى المكونات مع بعض وحطيه على شعرك وسبيه لمده 3-4 ساعات وغطى شعرك بكيس بلاستيك او بغطا الشعر وبعدين اغسلى شعرك بالميه والشامبو عادى .

************************
خلطه 9:
حزمه بقدونس جففيها واطحينها - 4معالق حنه -زيت زيتون ... حطى الخليط ده على النار لما يقرب يغلى شليه وصفى الزيت والزيت ده الى هتحطيه على شعرك كل يوم (حطيه فى ازازه )

***********************
خلطه 10: [fb]521367[/fb]
معلقتين زيت الجرجير -معلقه كبيره زيت زيتون معلقه زيت حب الرشاد-معلقه زيت جوز الهند- معلقه كبيره زيت الخروع -3معالق زيت البطم (اكتر كميه فيهم).... حطى المكونات دى فى ازازه ويبقى تركيبه زيوت مفيده تحطى منهم كل يوم .

ياريت تكونوا استفدتم من الموضوع واتمنى المشاركه

كثره غسيل الشعر تزيل الزيوت الطبيعيه للشعر

مشكورة وايد يعطيك العافية على الموضوع الجميل