دوسة يالى شايلة البسبوسه ولما غنتها المغنيةالصنية الصين دى مخلتش فى نفسنا هاجة هتى البسبوسة غنت لها ناقص الملوكية وتبقى تمام ولا ننسى ان اغلب الحلويات اصلها شامى طبعا فى مصرى كتيير ولكن البسبوسة شامية المنشأ
الحمدلله ربنا سهل و تعلمت حاجات كثير ....إلا .....البسبوسة
جربت كل الوصفات من الجيران و الأقارب و الأصدقاء و النت و الشيفات
كل وصفة فشلت فشل ذررررررررررريع ...وطبعاً كل دي مصاريف
والكل يقول لي أبوس أيدك هاجيبلك بسبوسة جاهزه...وانا أقول أبداً
لازم اعملها بنفسي....الموضوع كبر في دماغي.....طوال سنوات
وأول ما بدات احس باليأس ..عزلنا و طلعت جارتي شامية
ولما بعثتلي علشان ازورها و اتعرف عليها ...عارفين قدمت لي ايه؟؟
بسبو
سة وحاجه مافيش زيها آخر جمال و طعم ...رحت طابقة في زمارة رقبتها
قلتلها لازم اشوف بعيني البسبوسة من اول خطوة لحد ما تطلع بالسلامة من الفرن
المهم عملتها قدامي و حفظت الطريقة ظهراً عن قلب ..المهم كلمت زوجي
قلتلها هات دقيق بسبوسة قالي بلاااش ..قلتله أبداً دي وصفة جديده ...
وطلعت حكاااااااااااااااااااااية أخيراً الحمدلله...فقلت لازم أحطلكم الوصف علشان الخايبين
اللي زيّ في عمل البسبوسة ألحقهم قبل ما يعدي عليهم 17 سنة زواج
المقادير
(اول حاجه نولع الفرن عشان يسخن)
علبه قشطة الي بتيجي في علبة حديد مش كرتون 170 جرام
علبة زبادي
سميد
سكر
جوز هند
زيت
باكينج باودر
اصبروا علشان المقادير بنقيسها بنفس علبة القشطة
الطريقة
بنفضي علبة القشطة في الطبق اللي هنخلط فيه
نستعمل علبة القشطة الفاضية و نحط
علبه سكر
علبة زيت
تضرب كل ده لحد ما يتقطع نفسة و السكر يدوب
يعني القشطة+ الزبادي+ السكر+ الزيت
بعد كده نحط علبه جوز هند
علبتين دقيق سميد
ملعقه كبيرة باكينج بودر
ملحوظة هامة بالنسبة للصينية اللي هنعمل فيها البسبوسة
هذا المقدار لصينية كبيرة 30
ندهنها زيت خفيف ونفرد فيها الخليط
ممكن نبلل ايدينا بشوية ماء ونساوي السطح
حطي سوداني أو فستق أو بندق ولوز
المهم دخليها الفرن ( متوسط الحرارة 170 درجه) يكون النار من تحت فقط .
أول ما تلاقي حروف البسبوسة بدأت تحمر
نطفي من تحت و نولع عليها من فوق الشواية علشان الوش يحمر
اول ما الوش يحمر نطلعها و نحط الشربات البارد ...مش كثير
حوالي نص كوب شربات وممكن أقل حسب المزاج
سيبيها تبرد وبعدين تقطعيها و بالهنا و الشفا
