طريقة عمل الحمام المغربي في البيت-مكونات الحمام المغربى-تبييض وتقشير الجسم

كل ست بيت بتحب تهتم بنظافتها وجمالها وكل عروسه بتلجأ قبل فرحها بفترة الي الاهتمام والعنايه ببشرتها وجسمها وبتحرص على نعومة بشرتها وخاصه الفترة اللي مابعد الجواز وكتير منهم بيروحوا الكوافير علشان تعمل الحمام المغربى بس انا هاقولك ازاي تعمليه في البيت وكمان هايخلي

جسمك ابيض وناعم زي الحرير ومافيش اي جلد ميت واسمرار.

هاتجيبي الحاجات دي طبعا من عند العطار
ليفه مغربي- صابون مغربي- زيت اللوز- ماء ورد – ماس سخن وبارد
الطريقة:
هاتنقعي الليفه في الميه السخنه وبعدين هاتملي البانيو بالميه السخنه خالص لحد مالبخار يطلع منها
وبعدين هاتعملي لشعرك حمام زيت وتلفيه بفوطه سخنه, وهاتعرضي نفسك للبخار اللي طلع من الميه السخنه حوالي 10 دقائق عشان مسام جسمك تتفتح وبعدين اغسلي جسمك بالميه واقعدي في البانيو الميه السخنه لمده 20 دقيقه اغسلي جسمك بالصابونه المغربي كل جسمك واستني 20 دقيقة وبعدين هاتجيبي الليفه وتبدأي بفرك جسمك بحركات دائرية وركزي على مكان الاسمرار لمده 20 دقيقه وبعدين اغسلي جسمك بالميه السخنه واتفرجي على الجلد الميت اللي هاينزل منك وبعدين ادهني جسمك بكريم سنفرة اي نوع بتستخدميه وتسيبيه دقيقتين وبعدين اغسلي جسمك بالميه البارده عشان مسام جسمك تتقفل وبعدين هاتي ميه الورد وامسحي بيها كل جسمك ونشفيه كويس.