الى كل الباحثات عن اسباب مشاكل الشعر المختلفه كل وحده بتسال نفسها انا ليه شعرى بيسقط او ليه شعرى بيتقصف
طبعا الغالبيه العظمى بيرجعو السبب فى كدا لغطاء الراس الطرحه يعنى لكن احب اقول للجميع انى الطرحه ملهاش دخل فى الموضوع لو كان ليها بيكون لاسباب راجعه لاختيارك انتى للطرحه نفسها وهنذكر بعد شويه مواصفات الحجاب الجيد للشعر
لكن قبل ما ادخل فى المواصفات احب اوضح لكم ان اهم سبب فى مشاكل الشعر هو الاكل اولا وكثرة الغسيل للشعر ثانيا وعلشان كدا بنلاحظ ان الرجيم بياثر على الشعر ودا حقيقى لان الشعر دا زى الزرع بالظبط لو فضلتى تروى فيه باستمرار هيموت عشان كدا لو كلنا كويس خضار وفاكهه ولحوم واسماك هنلاقى ان شعرنا بيتحسن وحده بدون اى زيوت او وصفات
المهم طبعا زى ما زكرت من شويه انى الاختيار السئ لطرحة الراس له دخل فى مشاكل الشعر
طيب ايه المواصفات اللى تمنع التاثير السلبى دا ؟
اولا : عند اختيارك للطرحه او اى غطاء راس يجب ان يكون قماشه سميكه مش مليان فتحات ولا شفاف زى اللى بنشوفه اليومين دول علشان متدخلش منه الاتربه والاشعه الضاره من الشمس
ثانيا : من المفضل انك تختارى الالوان الغامقه لغطاء الشعر لانها بتحمى شعرك اكتر من الاشعه الفوق بنفسجيه فهى قادره على امتصاصها
ثالثا : عليكى باختيار الاقمشه القطنيه لانها تسمح بامتصاص الهواء حتى تتنفس فروة راسك بحريه وابتعدى عن الاقمشه الصناعيه التى تحتفظ بالعرق والدهون داخل فروة اراس فتزيد البكتريا والجراثيم التى تسبب مشاكل الشعر مثل القشره وغيرها
دمتم بود