المشكلى الاولى:
اسطوانة الدبرياج
يمكنك ان تشترى اسطوانة دبرياج جديدة من التوكيل ولكن ستكون من نفس النوعية الرديئة وستكون غالية الثمن, لذا انصحكم بعمل الاتى
اشترى طقم اسطوانة دبرياج بالبلى بتاع سيارة دايو ماتيز ال 800 سيسى, هو هو نفس الطقم وبيركب على ال BYD Flyer بالظبط طبعا مع اختلاف جوده التصنيع, الطقم بعمل 300 جنية جديد ركبة وريح دماغك لمده سنة كاملة على الاقل)المشكلة الثانية:
فرن الشكمان
بالنسبة لفرن الشكمان بتاع BYD هو مصنوع من ماده الزهر واللى بتبوظ بسرعة بسبب السخونة مع طرطشة المياه على جسم الفرن والتى تؤدى الى تشقق الجسم وخروج صوت عالى , افضل حل هو الابتعاد عن اى معالجة باللحام لانة لن يتحمل طويلا لذا ينصح بعمل واحد عمولة عن الخراط بنفس الشكل او توفيق من السيارات الاخرى , يركب علية فرن بتاع "ماروتى – دايو ماتيز- هافى لوبو- شيفورلية سبارك)
المشكلة الثالثة:
طرومبة الماء
طرمبة الماء فى ال BYD ليس لها حل جزرى حتى الان بسبب عدم توافر قع الغيار ولكن الصيانة الدورية لها يمكن ان تحافظ عليها بقدر الامكان,
اولا: لا تسمح بارتفاع درجة حراره السياره باى شكل و باى طريقة, قم بالتاكد ان الريداتير مليان مياه على طول واستخدم مياه حمراء سعودى للحفاظ على دوره المياه فى المواسير دون اى صدأ.
ثانيا: استخدام التكيف كثيرا يؤدى الى تلف طرمبة الماء مع الوقت لذا لا تستخدم المكيف الا فى حالات الضرورة.
ثالثا: اذا سمعت اى صوت غريب من ناحية الطرمبة او السير قم بالكشف عليها عند الميكانيكى وخلية يغيرلك طقم بلى ويعملك صيانة وينضف الطنبوره.
المشكلة الرابعة:
الدينامو
الدينامو فى هذه السيارات الصغيره اسهل مما يمكن, لا تقوم بتغيره على الاطلاق , فقط قم بعمل صيانة عن الكهربائى وهى كالاتى:
1- تغير سير الدينامو قبل تأكلة.
2- تغير شربون و تغير بلى اذا تطلب الامر (تغير بلى الطنبوره)
3- تغير كتاوت خارجية ودى سعرها 20 جنية
وبكده تبقى العربية زى الفل, واذا كانت لديكم اى استفسارات يرجى المراسلة لتقديم الخبره
