كتير من البنات بتبقى مش عرفه تختار كريم الاساس اللى يناسب نوع بشرتها من حيث النوع واللون كمان وهعرضلكم دلوقتى انواع كريم الاساس وكيفية اختيار المناسب منها
بس فى البدايه لازم نهتم بماركة كريم الاساس اللى بنستخدمه علشان الكريمات مجهولة المصدر ممكن تاثر بالسلب على بشرتك
مبدئيا : كريم الاساس اما بيكون بودره او سائل او كريمى ويفضل منها السائل لانه توزيعه على البشره بيكون سهل وبيعمل على توحيد لونها
ثانيا : ودا مهم جدا وهو اختيارك للون الكريم لازم تختاريه يناسب لون بشرتك ومتحوليش تجربيه على بشرة ايدك لانها مختلفه فى الدرجه عن الوجه يعنى تجربى على وشك وفى اضاءه كويسه طيب ايه اللون اللى يناسب كل بشره نشوف مع بعض
ـ البشره البيضاء : ودى يمشى معاها كريم الاساس الفاتح زى البيج والوردى ويستحسن انك تختارى درجة بشرتك نفسها فى البشره البيضاء او افتح حاجه بسيطه لانى لو فتحتى اكتر هيبقى شكل وشك شاحب ومش حلو
ـ البشره القمحيه : الجميل فى هذه البشره انها تعطيكى الكثير من الاختيارات ويفضل فيها كريم الاساس العسلى وكذلك كريم الاساس المائل للذهبى حيث يجعل البشره طبيعيه ومشرقه اكثر
ـ البشره السمراء : تناسبها الالوان المعدنيه خاصة المائله للبرونزيه حيث ان هذه الالوان تعطى البشره السمراء جاذبيه اكثر
ودلوقتى نروح لنقطه تانيه وهى كيفية وضع الكريم
هلخصها فى خطوات بسيطه
1ـ وضع أى كريم ترطيب قبل استخدام كريم الأساس السائل بعشر دقائق
2ـ نضع الكونسيلر على الاماكن الداكنه والهالات السوداء والكونسيلر بيستخدم مع كريم الاساس السائل فقط
3ـ بنبدا بتوزيع كريم الأساس السائل على البشرة بأكملها على شكل نقاط ثم يوزع بإسفنجه أو بالإصبع، ونوزعه على الوجه كله نبدأ من الذقن ونطلع لفوق ومتنسيش العنق يجب أن يكون له نصيب من كريم الأساس علشان يصبح الوجه كله بدرجة واحدة
4ـ وبعدين تحطى البودرة الحرة على الوجه بنفس الطريقة وبإسفنجتها الخاصة بها.
واذا كنتى تستخدمى كريم الاساس المضغود يستحسن عدم وضع كريم ترطيب خاصة مع البشره الدهنيه
وعلى الله قصد السبيل