وأضاف شخص آخر قائلا "- عيش .. حرية .. دفايّة كهربائية ، في ظل الظروف الباردة أصبح الاستحمام لمن يجرؤ فقط ، أحلى حاجة فى الجو ده .. إن نص المتظاهرين هيكونوا مزكومين .. وسلملـى ع الغاز".
وقال معلق آخر "درجة الحرارة في القاهرة 9 وفي نيويورك 6 .. قربنا نوصل للعالمية ، - الطقس طقس أوروبا ، والعيشة عيشة صومال".
في مقابل ذلك وضع نشطاء على مواقع التواصل الاجتماعي أسماء الشخصيات السياسية في البلد على اعتبار أنها تعلق على أحوال الطقس ومن بينها:
الإخوان: مفيش داعي للجو الساقعة ده وممكن نخليه جو معتدل عشان الانتخابات تعدى.
- السلفيون:الجو الساقع حراااام شرعا.
- الليبراليون : من حق المصريين إنهم يحسوا بجو ساقع زي أوروبا وده اللى بنحاول نعمله.
- العلمانيون: يجب فصل الجو عن الساقعه
- الــبــرادعى :النظام غير القادر على حماية مواطنيه من البرد دا..نظام فاقد للشرعيه..الصيف قادم قادم لا محالة..الثوره ستنتصر.
- طنطاوي: أنا حزين على الناس اللى سقعانة.
- العيسوي : إحنا معندناش ساقعه اصلا.
- مبارك من محبسه : أنا أو الساقعه.
- توفيق عكاشة: أول يوم صيف هيكون يوم 13/13/2013 انا بقول أهو...
- البلطجية : إحنا كده مش عارفين نشتغل ومضطرين للمولوتوف عشان نتدفى.
- ريم ماجد : هم فين الجماعه بتوع (مصر بتتحرئ) علشان ييجوا يشوفوا مصر.
- مبارك وهو حاطط صباعه فى مناخيره : أنا أنفي كل التهم الموجهة ليا بخصوص الجو الساقع.
وإن كانت هذه السخرية تدل فإنما تدل على أن الشعب المصري شعب دمه خفيف رغم كل المشاكل.
