انهاردة عملت كيكة تانى وعلشان كدا حبيت انى اشاركها معاكم وصورتها برضه حصريا عشانكم بس
طبعا انا المرة الى فاتت عملتها بالتفصيل لكن المرة دى مش بالتفصيل اوى بس بشاركم يمكن تستفيدوا من دى
وخصوصا الحمدلله الموضوع الاولانى جاب حوالى عشرين الف مشاهدة
ادخل فى الموضوع على طول
المقادير
دقيق
بيض
فانيليا
بيكنج بودر
عصير برتقال
زيت او سمنة
بشر برتقال
سكر
اول حاجة البيض وبشر البرتقال ورشة ملح وفانيليا نضربهم كويس مع بعض
وبعدين نحط السكر ونضرب كويس وبعدين السمنة ونضرب وبعدين العصير ونضرب برضه كويس جدا يعنى نضرب كل السوائل مع بعض كويس جدا لحد ما بيكونوا كويسين وبعدين نحط الدقيق شوية بشوية
لحد ما هتلاقوهم مع بعض زى كدا بالظبط
وبعدين نجيب صينية ونبطنها بماده دهنية سمنة او زيت ونرش دقيق ونقلبها ونضرب عليها عشان تنزل الدقيق الزيادة والموضوع دا عشان الكيك متلزقش مننا حتى لو فى اى صينية عادى خالص
ونحط الخليط بتاعنا كدا
وبعدين ندخلها الفرن لمدة لا تقل عن ثلاثون قيق فى الرف الى فى النص على درجة حرارة 175 درجة
واهم حاجة منفتحش عليها الفرن الى لما يعدى عليها 20 دقيقة
وهتبقى حلوة بالشكل دا
طبعا هتبصو على صورى تقولوا كيكة ايه دى الى فيها بيضتين بس هقولكم انى كنت عاملة مقدار صغير
لكن لو عاوزين تعرفوا المقادير الاصلية لكيكة مظبوطة هتدخلوا التوبيك الاصلى من هنا يارب اكون افدتكم
طريقة عمل كيكة البرتقال بالصور من مطبخى