بسم الله** أول حاجة عشان هافة عليا لما باجى اعمل الكوسة كخضار بزودلها نص ملعقة صغيرة سكر بتديها طعم جميل وبزود التوم بتاعها بيكون حلو مع الكوسة
***البامية فيه ناس كتير بتعملها وبتعمل التوم فى الخلطة بتاعتها لا جربى تشوحى التوم فى الاخر بعد ما البامية تستوى بملعقة زيت واحدة وبيعطيها طعم خطير وطبعا طبعا اوعى تنسى قرن فلفل مشطشط تقسميه نصين جواها وكلى احلى طاجبن بامية حتى لو من دون لحمة
**اللحوم لما تيجى تطبخيها ومعندكيش حلة ضغط حطى طبق صينى صغير فى قلب ا لحلة بيقلل كتير من وقت التسوية ومتحطيش الملح غير فى الاخر خالصعشان الملح فى الاول بيخليها تاخد سوا كتير
**المحشى فيه ناس كتير بتحبه نى فى نبتى وناس لا انا عن نفسى بجمع بين الطريقتين حسب نوع المحشى بسبك بس مش بحط كمية البصل كلها فى التسبيكة بسيب بصلة كبيرة بره وابشرها واحط عليها بهارات المحشى عندى وامرطها كويس بتخلى ريحته وطعمه وواااااوو..
** فى عمل محشى الكوسة بلاش تحطيها مش متقشرة يعنى اللى بيحب المنطقة الخضرا ممكن يمشى عليها بالسنون بتاع المقور ويشيل الطبقة السايحة الخارجية لأنها بصراحة لاحظت انها بتقفل غالبية الناس من محشى الكوسة وبتخليهم مش يحبوه زى جوزى مكنش بيحب محشى الكوسة بتاع مامته خالص........
** لو الممبار اللى عندك مش سمين كويس سويه فى شوربة مش فى مية مغلية بس
**الملوخية اوعى تغطى عليها أبدا أبدا مهما حصل لأنها بتغمق وكمان أوعى تسيبيها تغلى عشان بتسقط وبتسود
***لما تيجى تعملى عصاج للمكرونة الباشميل او الجلاش باللحمة المفرومة او اى حاجة حطى فى العصاج فلفلة خضراء وطماطماية بتخلى طعم العصاج بجد غير فى كل حاجة
.. **بلاش تستخدمى صلصة للخضار خليها طماطم فريش معصورة بتكون احلى واللون افتح وجميل ..ولو خضار بتحطيله توم والتوم مش بيحتاج يتقلى ممكن تعصريه مع الطماطم وتريحى ايديكى من الريحة..
**البانيه جربى كدا تدهنيه بس برشة زيت وتعملى لنفسك بخاخ كدا للزيت وتدخليه على ورق زبدة وعلى الفرن ومش هتحتاجى بعد كدا لأى زيوت للقلى ..
***جربى تعملى رز على بخار مرقة اللحم من خلال مصفاة على قد الحلة وحطيله ملح ناعم طعمه بيكون غير ومفلفل جدا ....
والرز الابيض بتاعنا للناس اللى بتحبه مفلفل اوى زيادة عن اللزوم اسلقى الرز فى مية بزيادة وملح وبعدين انشليه من الميه وصفيه وحطي ملعقة زبدة او حسب المقدار اللى بتحبيه للرز ونزلى الرز عليه وغطى عليه وسيبيه يستوى فى عرقه كدا هتلاقى احلى رز ابيض مفلفل عندك..
**لما تسلقى البيض اعصرى ليمونة فى مية السلق عمر ما قشر البيض هيلزق فى البياض.
**فى الحشو بتاع الحمام والبط جربوا لسان العصفور بدل الرز بيكون مفلفل وحلو اوى احلى من الرز بمراحل وبياخد نفس سوا الطر مش بيحتاج تسويه برا بس يادوب بتحمريه بملعقة سمنه ومعاه الكبد والقوانص وبصلة ممروطة مع قطعة فلفل اخضر وطماطماية صغنونة وبهارتها بس طبعا عشان لسان العصفور بينفش اوى اعملى حسابك فى مساحة وفراغ عشان يكبر فيه........
*****الخضار الطازة زى اللوبيا الخضرا او البسلة اللى بنحتاج نخزنها والفاصوليا الخضرا نعطيها غلوتين بسرعة وتنزل على مية فيها تلج وملعقة خل وبعدين تتصفى كويس وتتكيس على الفريزر ..
**** لما تحسى ان عندك بصلة كبيرة على اكله ممكن تقطعى منها على اد الاكلة واللى يفضل اقطعى القرومة بتاعتها وفى نايلون وعلى الفريزر وهتحتاجيها فى سلق لحمة فرخة او تتبيلة او او....
****لحم الغنم عشان تتخلصوا من اى ريحة نفاذة ليه وفى نفس الوقت تحسى بطعمه عليكى وعلى بوكيه جارنيه (عود كرفس فرنساوى ...جزرة ودى اهم حاجة... ورقتين لورا والحبهان ورشة جوزة الطيب وقرنفلتين)........
*** الكيك هنا لو متعودة على محسن الخبز عليكى وعلى ملعقة الخل او استعينى بعلبة كيك جاهز خدى منها مقدار بسيط مع دقيق الكيك بيكون فيه محسن كيك جاهز....
***المكرونة بعد ما تعمليها متغطيش عليها عشان متلزقش فى بعضها وابقى سخنى ملعقة زيت واحدة فى طاسة اقدحيها كويس ووزعيها عليها بعد السوا هتلاقى كل مكروناية لوحدها. وكذلك المحشى الكرنب عليكى وعلى قدح ملعقتين زيت على الحلة بعد ما تستوى وتطفى عليها النار وسيبيها شوية تعرق وبعدين اقلبيها هتلاقى الحلة نازلة وكأنها تورتة.....
**البهارات هنا كلها والدقيق والبقوليات والمكرونات والرز كلهم بشيلهم فى التلاجة من الحر الغريب اللى هنا عشان مش تلاقى هاموش فى مطبخك او حتى سوس فيهم .ولو عندك رز كتير مينفعش تحطيه فى التلاجة حطى ملعقتين ملح فى الكمية اللى عندك ومش هيسوس ابدا ان شاء الله لحد ما تخلصيه ....
تسلمى يا غالية على النصايح
*****الخضار الطازة زى اللوبيا الخضرا او البسلة اللى بنحتاج نخزنها والفاصوليا الخضرا نعطيها غلوتين بسرعة وتنزل على مية فيها تلج وملعقة خل وبعدين تتصفى كويس وتتكيس على الفريزر ..
**** لما تحسى ان عندك بصلة كبيرة على اكله ممكن تقطعى منها على اد الاكلة واللى يفضل اقطعى القرومة بتاعتها وفى نايلون وعلى الفريزر وهتحتاجيها فى سلق لحمة فرخة او تتبيلة او او....
****لحم الغنم عشان تتخلصوا من اى ريحة نفاذة ليه وفى نفس الوقت تحسى بطعمه عليكى وعلى بوكيه جارنيه (عود كرفس فرنساوى ...جزرة ودى اهم حاجة... ورقتين لورا والحبهان ورشة جوزة الطيب وقرنفلتين)........
*** الكيك هنا لو متعودة على محسن الخبز عليكى وعلى ملعقة الخل او استعينى بعلبة كيك جاهز خدى منها مقدار بسيط مع دقيق الكيك بيكون فيه محسن كيك جاهز....
***المكرونة بعد ما تعمليها متغطيش عليها عشان متلزقش فى بعضها وابقى سخنى ملعقة زيت واحدة فى طاسة اقدحيها كويس ووزعيها عليها بعد السوا هتلاقى كل مكروناية لوحدها. وكذلك المحشى الكرنب عليكى وعلى قدح ملعقتين زيت على الحلة بعد ما تستوى وتطفى عليها النار وسيبيها شوية تعرق وبعدين اقلبيها هتلاقى الحلة نازلة وكأنها تورتة.....
**البهارات هنا كلها والدقيق والبقوليات والمكرونات والرز كلهم بشيلهم فى التلاجة من الحر الغريب اللى هنا عشان مش تلاقى هاموش فى مطبخك او حتى سوس فيهم .ولو عندك رز كتير مينفعش تحطيه فى التلاجة حطى ملعقتين ملح فى الكمية اللى عندك ومش هيسوس ابدا ان شاء الله لحد ما تخلصيه ....
تسلمى يا غالية على النصايح