السلام عليكم

من زمان و انا نفسى حد يسالنى السؤال دة مشكلتك اية بس عارفين يوم ما انا سالت نفسى السؤال دة معرفتش ارد و دة مش نتيجة ان ماعنديش مشاكل لا انا عندى بس هل السؤال صعب اوى كدة لدرجة انى معرفش ارد علية طب انتو هسالكو السؤال دة مشكلتك اية وعايزة اشوف هتردو و تقولوا اية

من رايك اية السبب الرئيسى لمشاكلنا و مشكلتك؟

المشكلة مشكلة بلدك ولا انت؟

فكرك لو عرفت المشكلة هتقدر تلاقى حل ؟

يلا عايزاكو تتكلموا و تقولوا مشاكلكم اية و احنا ممكن نحلها سوا ان شاء الله بس اهم حاجة لازم انتو تعرفوها هى

1-اية هى المشكلة
2- اية هو السبب الرئيسى للمشكلة
3- فى رايك حلها اية

فى النهاية اتمنى منكم تفاعل لان الموضوع مهم اوى
لاننا لازم نعرف المشكلة اية لان كفاية كدة سكوت و صمت
يلا اسال نفسك(مشكلتى اية)
يا رب يكون الموضوع حلو و تقدروا تعملوا و اعمل معاكو حاجة

و فى النهاية كلعادة رباعية من رباعيات جاهين

إيش تطلبي يا نفس فوق كل ده


حظك بيضحك و انتي متنكده


ردت قالت لي النفس : قول للبشر


ما يبصوليش بعيون حزينة كده


عجبي !!

أولا الموضوع جامد و مهم بس انا عايز اعرف انتي تقصدي اي مشكلة هل مشكلة في حياتي البلد و الناس ضلع أصيل فيها و لا مشكلة البلد _التأخر_ و لا مشكلتي مع نفسي أزاي اصلح من نفسي و لا .... ...... .....
ياستي المشاكل كتير ردي عليا و حددي و نتكلم عن المشكلة المحددة

الله الله الله الله
عالموضوع الجميل ده
والسؤال المحرج ده
الاجابه
ليه احنا مش عرفين ناخود كرار في حيتنا
لو عرفنى ناخد كرار هنبقا من احسن ناس
الحل الوحيد هى ان نعدل من انفوسنا

وشكرا عالموضوع الجامد ده

بص يا سيدى انا اقصد مشكلتك انت دة اولا
ثانيا مشكلة بلدك
ثالثا هل مشكلة اصلها او اساسها مشكلة بلدك
بس كدة هى دى قصة حياتى ههههههههههههههههههه
يلا سلام

ميزو مرسى لمرورك و كلامك صح جدا ممكن تكون مشكلاتنا كلنا القرار

مرسى و اتمنى تفاعل اكتريلا يا بشر اية مفيش مشاكل
يا رب تكون مفيش

شكرا على ردك على أسئلتي و أقولك يا أوسا في الأول ايه مشكلتي : مشكلتي اني بحلم بدنيا جميلة كل حاجة فيها صح و الغلط فيها بيتعاقب و الحب فيها أساس للتعامل زي ما بتوصي كل الأديان و بكده يتحقق حلم التقدم اللي بقى بعيد المنال صدقيني انا زمان كنت بقول مفيش مستحيل و الأنتصار في معركة التقدم مش صعب و مش مستحيل لكن دلوقتي أقدر أقول فعلا التقدم مش حقنا مش احنا الناس اللي تستاهله ...وعلى الرغم من أن شعار مفيش مستحيل انا مؤمن بيه الا في المسائل اللي تتطلب الجماعة التقدم ده محتاجني و محتاجك و محتاج كل حد لكن كل حد بيفكر في نفسه و سوري بطريقة حيوانية طريقة اللي يلحق الأول و ان ملحقش يبقى الصراع هو سبيله في الحياه .... و لما اجي اقول الكلام ده يإما يقولو اهبل او مجنون او اللي طالع جديد انهم يقولو لسة صغير ماتصدمش بالحياه فاكرها سهلة ....مشكلة كبيرة اننا نعامل بعض بمنطق الاخر ليه ناسيين اننا واحد بشر و متطلباتنا واحدة و في مركب واحد ليه دايما نظرية المؤامرة هي تفسرينا لحركات بعض ليه اساسا بنبص لبعض في حالة تربص دائمة... و ماحدش يقوللي البعض و معظم الناس حلوة ...لا مش بعض ولولا الملامة كنت اعمم..وبكده تبقى البلد هي السبب في مشكلتي و لو بتتكلمي عن الحكومة أقولك ان الأصل فينا احنا ..احنا السبب في كل ده ..بعدنا عن ديننا هو السبب و اللي بيكون قريب من الدين مش عارف اساسا معنى كلمة دين ايه مش عارف ان الأصل في كل الديانات المعاملة و طهارة القلب الغير لحظية ليست فقط في أوقات العبادات فقط...و من هنا و من موقعي هذا انادي عليكي : أوسااااا شاركيني هل هناك حل لمشكلتي ...على فكرة انا بكتب المشاركة و انا نايم بسمع اغاني و باسط نفسي و عمال اعقد فيكو... هاهاهاهاهاهاها

الا صحيح عايز أسألك هو انتي دي اللي في