طبعا انا هتكلم دلوقتى فى مشكلة بيعانى منها الكتير من الناس ويمكن اغلبية الناس سواء رجال ونساء وهى تشقق الشفاة وبالذات اليومين دول بسبب عوامل الجو والبرد وكدا بيسبب جفاف للفاة وبعدها بتبدأ تشققق وتنزل دم وتغطيها طبقة بعد كدا شكلها غير مقبول ودا طبعا لان جلد الشفاة رقيق جدا مش بيستحمل حاجة
فى حاجات غلط احنا بنعملها برضه بتأدى لجفاف الشفاة بل الشفاة باللسان باستمرار بيسبب جفاف الشفتين وكمان استخدام مستحضرات التجميل بكثرة والتعرض للجو الهوا والاتربة
علاجها سهل جدا وفى ايد كل واحد فينا
1 * الخيار ,الخيار مش بس للهالات السودا والعيون لا دا مفيد جدا لترطيب الشفاة وتغذيتها
2* دهن الشفاة قبل النوم بزيت جوز الهند او الفازلين باستمرا هيديكى نتائج هتتفاجئى بيها
3*احرصى على شرب كميات كبيرة من المياة
4*عند اضطرارك للخروج فى ظروف جوية غير مستقرة استخدمى زبدة الكاكو فهى حل بسيط وسهل وفى متناول الجميع
وبكدا نكون حلينا مشكلة بتسبب لينا الم فظيع وكمان احراج لشكلنا بأقل الاشياء