لاهتمام والعنايه بالمنطقه الحساسه من الالف للياء وكل ما يخص هذه المنطقه للبنات وللمتزوجات وبس

السلام عليكم
احب انوه ان الموضوع للبنات وبسسسسسسس واحب اشكر حببتى ورد بلدى على وصفاتها الجميله دى وعلى فكره كل حاجه مكتوبه فى الموضوع دا متجربه ومضمونه 100% يعنى اقروا وطبقوا الوصفات انتوا ومطمنين على الاخر .

كتييير مننا بيخلي باله من الشكل الخارجي بس واننا نبقه كل حاجه كويسه ومظبوطه في لبسنا ورحتنا ونرش برفان بقه ونعمل حاجات كتيييير علشان احنا خارجين ومش بناخد بالنا من اهميه اننا لازم نهتم بردو بالنظافه الداخليه لينا ومن اهم منطقه في النظافه الداخليه هي
المنطقه الحساسه وازاي نهتم بيها وبنظافتها
وانها مهمه جدا جدا جدا اول حاجه لازم نعملها ودي ثابته نعملها علي طول
- ان المنطقه دي لازم تكون نشفه بعد كل مره بتدخله الحمام فيها
- تاني حاجه اننا لازم نغير الاندر مرتين في يوم ومش مره واحده بس لان مرور فتره طويله بتخلي الافرازات تبقه مضره وبتعمل ريحه مش حلوه
- استخدام الاندر القطن ده مهم جدا واي نوع تاني يبقه نستخدمه مش لفتره طويله ومش ننام بيه زي البولستر مثلا
- اننا نهتم بغسل المنطقه مرتين في اليوم مره الصبح ومره بالليل وده ممكن تستخدمي محلول الخاص بالمنطقه دي او تستخدمي ملح وميه وده كويس قوووي بردو وطبيعي وموجود وكمان حاجه تانى للترطيب وللتفتيح وموجوده عندنا كلنا وجلسرين بالليمون بيرطب المنطقه وبيفتحها ...

ازاي بقه نغسل المنطقه الحساسه ونغسلها باايه

؟؟

هعرفكو دلوقتي علي صابونه نعملها في البيت وهي بسيطه جدا ومطهرها ورحتها كمان حلوه وبتفتح مع الوقت المنطقه دي

طريقه عمل صابونه لتفتيح وتطهير المنطقه الحساسه

هنجيب صابونه من غير رايحه أي نوع ونبشر الصابونه ونحط عليها معلقه كبيره ميه ورد ومعلقه صغيره مسك مطحون او صابونه مسك من العطار وبتبشريها بردو ومعلقه كبيره بودره تلك ودي زي ما احنا عارفين ان بودره التلك بتفتح البشره ومفيده جدا بعد كده نخلطهم مع بعض كويس ونحطها في طبق وتحت الطبق حله صغيره فيها ميه بتغلي ونبتدي نقلب المكونات من الطبق يعني منحطش الطبق مباشره ع النار علشان يسيح يبقه بعيد وتحته حله فيها ميه والطبق فوق وفيه الحاجه ونقلب لغيط لما تسيح وتبقه امتزجت كويس مع بعضها بعد كده نحطها في قوالب اذا كان عندك قوالب سيلكون حطي فيها وسبيه فتره وهتلاقيه مسكت بعضها وبقيت شكلها زي الصابونه وتستخدميها عادي جدا بعد كده مرتين في اليوم ويبقه للبنات الغسيل خارجي لكن للمتجوزين عادي من الداخل والخارج وبعدها تبقه رحتك جميله ومفهاش أي ريحه للافرازات الي بنضيق منها ...

ازاي نشيل الشعر من المنطقه الحساسه وانسب وافضل طريقه

دلوقتي بقه موجود طرق كتييير لازاله الشعر وطبعا احنا بنتكلم عن المنطقه الحساسه يعني مش عايزين نستسهل الطرق الي موجوده دلوقتي عايزين المنطقه تكون نظيفه وفتحه ومنوره ومن غير شعر وكمان من غير ما نضر الجلد فاافضل طريقه واحب انصحكو بيها هي السويت
طريقه استخدم السويت بدون الم
هنزيل الشعر من المنطقه دي بااقل وجع ممكن علشان كتيير مننا مش بيستحمل السويت في المنطقه دي تعالو اقولكو ...

اول حاجه هنغسل المنطقه كويس ونشفها بعد كده بنجيب مكعب تلج ونمشي التلجايه علي المنطقه كلها لحد لما تسيح خالص بعد كده ننشف المنطقه تاني كويس جدا وكده هنلاقي اننا عملني بينج طبيعي للمنطقه دي نجيب بقه حته سويت صغيره ونبتدي ناخد حته صغير ونحط السويت كويس علي المنطقه وعلي الجلد ونبتدي نشلها عكس الشعر وبسرعه منرجعش بقه لنفس المنطقه نكمل عادي الحته الي جنبها وبنعمل بسرعه علشان السويت متسحش معاكي بعد كده ممكن تعيدي علي المنطقه الي سبتيها بعد فتره علشان ميقصرش ده علي الجلد وبعد ما تخلصي خالص تجيبي بردو مكعب تلج وتعمليه علي المنطقه كلها وتاخدي شور دافي وبعد الشور تكوني عامله
نشا بالليمون مع معلقه كبيره حليب تسبيه دقيقتين ينشف وتشطفيه بعد كده للترطيب والريحه حلوه زيت بيبي جونسون وبس ...

طريقه تفتيح المنطقه الحساسه بوصفات طبيعيه

كلنا حبيين ان المنطقه دي تكون فاتحه ومتغمقش معانا ودي عايزه عنايه مستمر مش يومين وشكرا يعني زي ما كتييير مننا بيكسل بعد كده اول حاجه طبعا سمعنا عن حاجات كتيييير تفتيح بس بردو هقولك الي بفضله وعن تجارب ناس كتيييير الجليسوليد مع بيتاديرم او مع الليمون وممكن ستخدمو الجلسريين مع الليمون وده مره بالليل وتكون المنطقه نظيفه وكل يوم بااستمرار لمده 3 اسابيع علي الاقل وانا بفضل الحاجات الطبيعيه يعني الكريمات مش هنصحكو بيها علشان كده متكلمتش عنها ......
ويارب اكون جمعتلكو معلومات كويسه ونستفاد كلنا منها ...