بس خلينا نوصل لحاجتين :
مصر المشجعين = ابناء الريس+نواب المجلس+نجوم غناء وتمثيل+ وأغلب البقية المشجعين من الناس المتعلمة
الجزائر المشجعين = شبيحة+شمحطجية
المعادلة مش موزونة ماينفعش ابن الفكهاني يتجوز بنت الوزير
نعدلها ازاي نبدل مكان واحد من الاثنين يعني نتخيل
مصر المشجعين = الشبيحة + الشمحطجية
الجزائر المشجعين= الشبيحة + الشمحطيجة
اوعى حد يقولي احنا ماعندناش الكلام ده بقولك اذا رحت الاماكن اياها حتشوف شبيحة وشمحطيجة وعالم تنكسف تقول عليهم مصريين
سؤال
لو بالفعل كما ذكر وزير الصناعة المصري السابق في لقاءه مع قناة الحياة انه لو ارسلنا مشجعين الدرجة الثالثة او بمعنى اخر الشبيحة والشمحطجية كنا حنشوف عالم المصارعة الحرة
لكن العكس حصل
مش عاوز ازيد او اضيف على الكلام اللي قلته فوق لكن زعلت في خاطري كتير لما جات الأخت وقالتلنا انا اسفة وكل الجروب قالها مع السلامة
عاوز اسئل اي حد فينا سؤال لو دارت الأيام وجات عيلة جزائرية واستنجدت انها تحتمي بعيلة مصرية حيحصل اتحدى لو قالولها مع السلامة ماعندناش مكان ليكم
برضو في مقابلة مع ناسي مين بيقول فيها قدرنا احنا المصريين نكون متحضرين
وقبل كل الكلام اللي فوق اللي مايوزنش ريشة
سيدي رسول الله صلي الله عليه وعلى اله وسلم
جاءه ملك الجبال بأمر من مالك الملك ذي العزة والجبروت وسئله يامحمد اتريدني ان اطيق الجبال على كفار مكة - من كتر ماسيدنا النبي شاف منهم الأسى والنكران والأذية - ورد عليه سيد ولد ادم الرحمة المهداة من رب العالمين بقوله لا لعل الله يخرج من اصلابهم مسلمين
حاسب هنا مش مابشبه الجزائرين بكفار قريش ولا المصريين بالنبي احنا هنا بنتعلم من اللي خاطبه الله عز وجل في محكم تنزيله وقله وانك لعلى خلق عظيم
اضايق كل مابشوف بشوف مواضيع الطرد للجزائرين في ناس عندهم مش بتخجل وفي ناس محترمة حتقولي الشر يعم والخير يخص حأقولك تحب تكون بالصدفة بتعدي جنب شباب بيحششوا ولا بيضربوا بانجوا وتجي فجاءة دورية وتشيل الليلة كلها
احنا كلنا جينا هنا عشان نكسب من اعلانات جوجل او معظمنا والمنتدى مفتوح عشان صحابه يكسبوا من جوجل بس بتقلب في الأخير بيبقى في ناس بتلاقيهم بيتبوا موضوعات طريفة موضوعات عجيبة او موضوعات بتوصف حاجة انت مش شايفها عن نفسي قلبت معايا الحكاية صرت مش مهتم بشوية السنتات الو الدولار اللي بيجي في اليوم اهم حاجة اجي هنا افرغ تعب العمل واريح بالي ودماغي قبل ما انام صرت بألقى نفسي بادور على مواضيع عضو معين لانه كلام مريح مواضيعه مش تافهة ممكن تكون منسوخة لكن بينتقى الحاجة اللي بينسخها مش اي حاجة
مرة كنت في باريس مع المدام
كنت واخد فكرة عن الفرنسين انهم جدا متعصبين للغتهم من واقع الناس اللي سبقوني اللي شفته عكس كده خالص مجموعة ناس حدا ذوقو وسكر وبيحاولو جهدهم انهم يتفاهموا معاك بالانجليزية وتبقى الفرحة مش سايعاهم لما بتسئلهم ايه معنى الكلمة ديه بالفرنسي لأنك قدرتهم
الموقف الثاني اللي حصلي في باريس - ههههههههه بليز مش عاوز حد يقلي انت جاي ترسم علينا وانت رحت باريس والكلام ده-
كنت مع المدام في مترو باريس رايحين لبرج ايفل لقيت المترو عدى المحطة بتاعت البرج لقيت نفسي نا والمدام ابتسمنا وقلا تهنا هههههههه وقاعدين نتكلم ونبص في الخريطة ونعرف ازاي نتحرك كنت واخد بالي انه في واحد قدامي كان بيبصلنا قلت في بالي يمكن عشان المدام محجبة مستغرب وقفنا في المحطة اللي بعدها ونزلنا مشينا في الشارع ولقيت اللي كان بيبصلنا في المترو عدى من قدامنا وفضلنا ماشينن وفي لحظة طل ألاخ وراه وناداني قلي ياصاحبي برج ايفل تمشى لنهاية الشارع وتاخد يمين وتعدى الجسر فرحت لما سمعت اللغة العربية فرحت لما شفت واحد من العرب اهتم بموضوعنا وخاف علينا واتشكرت منه كتير على ذوقه ولطفه رغن اني كنت رسمت الطريق وعرفته من الخيط لكن خوفه علي انا والمدام دفعه انه ينصحنا وبعد مامشيت واتشكرت منه لقيته بيقولو لا اله الا الله قلتله سيدنا محمد رسوله الله وكل واحد مشي في حاله كان الاخ مصري
مرة كنت في محل للعطور اسمه سيفورا بشتري عطر وكانت اللي في المحل مابتعرفش انجليزي خالص واتدخل واحد لقيته حاجه زي البودي جارد وساعدني في اجابة استفساراتي عن كذا شغلة وانا خارج من المحل جاني وقلي اتفضل ده الكرت بتاعي اذا حصلت لحضرتك اي مشكلة في باريس بس بلغني وحاكون جنبك حق العرب والمسلمين على بعض ابتسمت في قلبي وحمدت ربي اني بألقى ناس تفرح القلب والاخ ده كان جزائري
ومرة كنت في محل وبحاسب لقيت اللكاشيرة بتقولي احكي عربي مابفهم انجليزي كانت لبنانية وذوق معانا ونصحتنا من فين نتبضع وده محل اسعاره عالية نفس البضاعة راح تلقيها في المحل ده وارخص بنسبة معقولة كتير ونصحتنا مانروحش السوق ده ولا نمشي في الشوارع ديه كانت لبنانية بس مش عرف هيا مسلمة او مسيحية وده مش شغلي ده شغل ربنا
كنت في مطعم باطلب اوردر العشا وسجله الجرسون وجاتني واحدة شيك وحلوة ههههههههه عرفتني بنفسها انها المشرفة وقالتلي من لبس المدام انكم مسلمين قلتلها ايوه قالتلي فيه كم طلب هنا بيحتوى على دهن الخنزير وكم طلب تاني نوع اللحمة اللي فيه مش مذبوحة وانا بنصحكم ماتكلوش منها لانها تخالف عقيدتنا المسلمة قلتلها بصراحة وفي وشها انتي بامانة بتقولي كده عشان نرجعلك وامانة المحل كنوع من التسويق قالتلي لا مش كده مش عاوزكم تاكلوا حاجة حرام وكانت الاخت مغربية
ده اللي عندي عاوز تسمع براحتك عاوز تشتم براحتك ههههههههههه في الاخر الناس مالهاش غير السيرة الحسنة
واللي شدني في الموضوع كمية الاهانة اللي حصلتلها الأخت اللي كتبت الموضوع ده
http://100fm6.com/vb/showthread.php?...d=1#post400924
عارفين ليه اهانة لأني حسيت انها جات بيتي واهنتها في بيتي وانا مش كده ولا حد فينا كده
واعتذر مسبقا ان كان كلامي ازعج اي حد
في امان الكريم