نوع شعرك

( شعر المراة نصف جمالها ) زى مابيتقال ودى فعلا حقيقة واى زوج او راجل بيدور على عروسة بيبقى يهمه جدا العروسة شعرها يكون ناعم وميكونش خشن او مقصف وهايش وعشان كده لازم كل بنوته تهتم بشعرها ( عشان تتجوزوا ) وعشا متفضلوش طول اليوم فى البيت قدام جوزك رابطه الايشارب اللى بيخليكى عامل زى سلاحف النينجا ما علينا المهم عشان تعرفى تهتمى بشعرك لازم تعرف نوع شعرك ايه ( شعر جاف - شعر دهنى - ..... ) لانه ده مهم جدا عشان تعرفى ازاى تهتمى بشعرك ولاننوع الشعر بيختلف من شخص للتانى نتيجة العوامل الوراثية والصحة العامة والبشرة ولان شكل الشعر بيتحدد من الجينات الوراثية لانه صفة جينية بتتحكم فيها الهرمونات وشكل الشعر بيتوقف على امرين وهما شكله وهو بينبت من جريب الشعرة وتوزع الكراتين على الجذور وعشان كده هنشرح كل نوع من انواع الشعر عشان تعرفى نوع شعرك .



وانواع الشعر هى :

1 -

الشعر الجاف

:

شكله بيبقى باهت فاقد اللمعة وسهل التقصف وسهل التشابك وجاف الملمس بالاضافة لان تسريحه بيبقى صعب
اسبابه هى :
* كثرة الغسيل بالصابون والشامبو
* كثرة استخدام المجففات الحرارية والسيشوار
* الشمس وتقلبات الجو
* او نقص المادة الدهنية اللى بتفرزها الغدد الدهنية
العـــــــلاج :
* استعملى الشامبو المناسب لشعرك
* جففيه بصورة طبيعية
* قصى اطراف الشعر
* دلكى الشعر وفروة الراس بالشامبو او الزيت المناسب .

2 -

الشعر الدهنى

شكله بيبقى زيتى صعب التسريح احيانا وبيحتاج يتغسل كتير لانه مظهره بيبقى متسخ دايما عشان الافرازات الدهنية
اسبابه هى :
* كثرة افراز المادة الدهنية
* الاكل اللى فيه دهون كتير
التعرق الزايد
العـــــــــلاج :
* تناول من 5 - 7 كوب مية فى اليوم
* استعمال الشامبو المناسب
* قومى بتجعيد الشعر
* سرحى شعرك ودلكيه لتنظيم الافرازات
* قللى الاكل اللى فيه دهون
* اغسلى شعرك بلتر مية وعليه عصير ليمون او معلقة خل تفاح وبعدين اشطفيه بالميى الباردة

3 -

الشعر العادى

شكله لابيبقى دهنى ولا جاف بيحتفظ بشكله دايما ويبان كويس وهو ده الشعر الصحى
اسبابه هى :
هو شعر صحى ولكنه بيحتاج عناية عشان ميبقاش جاف او دهنى
العــــــــــلاج :
* قصى اطراف الشعر كل شهر
* اغسليه من مره الى مرتين فى الاسبوع
* حافظى على نوعية الاكل وتكامله
* سرحيه فى اتجاهات مختلفة

4 -

الشعر المختلط

شكله بيكون دهنى عند جذوره جاف ومتقصف فى الاطراف
اسبابه هى :
* كثرة استعمال شامبو غير مناسب او بيعتمد على المنظفات
* كثره التعرض للشمس
* كثرة استعمال السيشوار
العــــــــــــــلاج
* استعملى شامبو خاص للشعر المختلط
* اغسلى فروة الراس بشامبو للشعر الدهنى والاطراف بشامبو للشعر الجاف

#شاركونا برأيكم
ايه هو نوع شعرك بالظبط وهل النصائح دى مفيدة ولا لأ