1 - فى يوم جوازكم او فى اى يوم تانى اكتبى لجوزك رسالة تعبرى فيها عن حبك ليه وقد ايه انك مبسوطة معاه
2- حطى بالونات فى مدخل البيت وكل بالونة موجود فيها صفه هوبيحبها واطلبى منه فقع البالونات
3 -عطرى شنطته وادوات بعطره المفضل وحطى جواها بطاقات فيها كلام رومانسى زى بحبك او وحشتنى او انا مقدرش اعيش من غيرك
4 - استقبلى عودته للبيت بانك تحضنيه وتقوليه انت وحشتنى اوى او انا بحبك
5 - وصفة 100 حبة قبل النوم ( سبحان الله والحمد لله ولا اله الا الله والله اكبر )
6 - اصحى يوم اجازته بدرى وحضرى الفطار من الحاجات اللى هو بيحبها وهاتيه على السرير
7 - حطى بطاقة الدعوة بتاعت فرحكم فى اطار شكله حلو وعلقية فى اوضة نومكم وده هيديله احساس جميل انك بتعتزى بالمناسبة دى
8 - حطى وردة فى كتاب دايما بيقراها او الجرنال او المخدة اللى بينام عليها
9 - فاجئيه بانك تعملى حاجه كان بتمناها او بيحبها
10 - اوعى تنامى وهو بره واستنيه لما يجي ولما ينام اتعودى انك انتى اللى تغطيه
11 - هاتى نوتة صغيرة واكتبى فيها مقدمة رومانسية واكتبى فيها اللحظات الحلوة اللى هو بيحبها
12 - اتصلى بيه وهو فى الشغل وقوليه قد ايه انك مشتاقة ليه
13 - من باب التغيير اتعشوا مرة على ضوء الشموع او فى اوضة النوم
14 - روحى لاى خطاط وخليه يكتبلك شهادة تقدير لجوزك وامضيه بزوجتك المخلصة
15- لما تكونوا بره البيت مع بعض وسط اهلكم وقرايبكم واهمسى فى ودنه قد ايه انك فخورة انه جوزك
