الحب مش مجرد كلام بنقول مع اللى بنحبهم يعنى مش عشان بنقول بحبك - وحشتينى - مقدرش استغنى عنك - انتى اغلى حاجة عندى فى الدنيا يبقى ده حب بجد فى ناس كتير بتحب بجد بس مش بتقدر تعبر عن الحب ده بالكلام لكن بيبان من تصرفاتهم انهم بيحبوا بجد .
وفى حاجات تقدرى تعرفى بيها اذا كان جوزك بيحبك ولا لا .
فــــــى البيــــــــــــــــــــت
* بسمع لرأيك باهتمام وبيناقشك فيه ولما تكون فى اى حاجه خاصة بحياتكم بيخليكى تاخدى القرار معاه . * لما بيكون موجود فى البيت بيحب دايما يبقى قاعد جنبك .
* مبيحبش ينام وانتى بعيدة عنه الا لسبب قهرى خارج عن ارادته .
* دايما بيحاول يمتدح فى ملابسك فى البيت وفى ذوقك فى اختيار الملابس .
* مش بيتضايق لما يدخل ويلاقى البيت مش منظم لانك بتنضفى .
* مبيروحش ينام ويسيبك لوحدك .
* بيصر على انه يساعدك فى شغل البيت اذا حس انك تعبانة .
* بيفضل يقعد فى البيت معاكى عن الذهاب لاصحابه وخصوصا اذا هيأتى جو رومانسى .
عنـــــــــــــــــد أهلـــــــــــك
* مش بيتضايق لما تروحوا عند اهلك وكل شوية يبص فى الساعة ويقولك يلا بينا . * بيحترم اسرتك ودايما بيحسسهم انه واحد منهم .
* مش بيحاول ينتقد أهلك عشان يحافظ على مشاعرك .
فــــــــى التعامـــــــل اليومـــــــى
* دايما بيفتكر اللحظات الحلوة اللى قضيتوها مع بعض .* دايما بيحاول يلمس ايدك .
* كل فترة ممكن يخرجك فى نزهة .
مــــــــــع أصحابـــــــــــــك
* دايما بيرحب بأصحابك لما بيجيى يزوروكى وبيوفرلك اى حاجة لضيافتهم . * مش بتضايق لما واحدة من أصحابك تتصل بيكى .
* مش بيتأخر لما يلاقى واحة من أصحابك تعبانة وانتى عايزة تزوريها .
