اليوم جيبالكم وصفه روعه تعرف باسم وصفة بياض الثلج بتستخدمها العرايس واثبتت نجاحها وفاعليتها الممتازه مع الجميع وهى وصفه مش صعبه اوى ونتايجها مضمونه علشان تكون اشراقتك مميزه
والوصفه دى ضروري لكل عروس لانها مش بياض وبس ولكن نعومه وريحه حلوه كمان يعنى جربوها وان شاء الله ما رح تندمو ونشوف دلوقتى الوصفه مع بعض
ونبدا بالمكونات :
3 ملعقه كبيره زيت خروع ودا ريحته تحفه
4 ملعقه كبيره زيت لوز
5 ملاعق فازليين بس يكون اصلى
علبه صغيره من كريم الجلوسليد الاحمر
5 ملاعق جلسرين سائل
علبه صغيره من كريم فكس
6 ملاعق من بودرة الاطفال
4 ملاعق ماء ورد
وملعقه واحد نشا
واخر حاجه نصف كوب ماء
نشوف الطريقه:
ضعي الجلسرين السائل وكريم الجلسوليد وكريم فكس مع بعض واخلطيهم كويس جدا وبعدين ضيفى عليهم بودرة الاطفال واخلطى كويس واتركيه على جنب
ضعى الماء وماء الورد والنشا مع بعض وبعدين ارفعى الخليط على النار حتى يصبح ليه قوام كدا وبعدين اتركيه حتى يبرد على جنب برضو
اخر حاجه بقا اخلطى الفازلين مع زيت الخروع وزيت اللوز اخلطيهم كويس
واخلطى الحجات بقا كلها على بعض وحطيه فى علبه بلاستيك نظيفه ومحكمة الغلق وحطيه فى الثلاجه
وهتستخدمى الخليط دا لمدة 3 ايام كل يوم بعد الاستحمام تدهنى بيه جسمك وشوفى بعدين الفرق فى لون بشرتك ولمعانها
دمتم بود