النهاردة انا جايبلكم وصفة سهلة جدا للتخلص من الشعر الزائد فى الجسم ومن المعروف ان مشكلة الشعر الزائد فى الجسم مشكلة بتعانى منها اغلب البنات وهى مشكلة محرجة جدا لانها بتخلى شكل بشرة البنت وحش وبيفقدها مظهر النعومة اللى هى مميزة بيها عن الراجل عشان كده كل بنت وست بيت بتهتم انها تشيل الشعر الزائد فى الجسم اول بأول ولكن العملية دى بتبقى عملية صعبة وخصوصا ان الشعر بينبت مره تانية بسرعة . ووصفة النهاردة عشان نتخلص من الشعر الزائد عن طريق منعه من انه ينبت نهائيا وهنستعمل فيها الترمس اللى هو معروف انه له فوايد عديدة ومتنوعة اذا اكلناها نيىء من دون طبخ وان اذا اكلناه مطبوخ او اذا استعملناه كقناع لازالة الشعر الزائد وفعلا الوصفة دى فعلا سهلة جدا وبسيطة وغير مكلفة خالص .
- المكونات
ربع كيلو ترمس مر مطخون (عند العطارين) + 3 كوب ماء
- الطريقة
1 - لازم الترمس يكون مر مش الترمس العادى وتطحنيه كويس .
2 - ضيفى الماء المغلى للترمس وغطيه وسبيه منقوع لمدة يوم كامل وبعدين صفيه واحفظى المية فى زجاجة .
3 - ازيلى شعر الجسم بالطريقة التقليدية ( الحلاوة ) وبعدين ادهنى جسمك بماء الترمس وسبيه على الجسم من غير ما تشطفيه وتدهنى جسمك كل يوم بماء الترمس .
* مع الاستمرار على دهن الجسم يوميا بماء الترمس هتلاحظى قلة ظهور الشعر فى الجسم لحد لما يختفى تماما وكمان الترمس له دور فعال فى تفتيح البشرة .