شعرك نص جمالك وعشان كده لازم تهتمى بيه لانه حاجة مهمة جدا وهو تاج جمالك عشان كده لازم تعملى بالنصايح دى :
1 - دلكى فروة الراس باديكى وانتى بتغسليها بالشامبو او انتى بتدهنيها بالزيت .
2 - ابعدى عن الفرد الكيميائى والصبغات الكتير لانها بتضعف الشعر .
3 - متحطيش الشامبو على طول على راسك وخففيه الاول بالمية الدافية .
4 - قبل ما تصففى شعرك لازم تتخلصى من العقد والاتربة اللى فيه عن طريق المشط .
5 - بعد غسل الشعر بالشامبو اشطفيه كويس عشان شعرك يلمع .
6 - لما تسرحى شعرك وهو مبلول استعملى مشط واسع عشان شعرك ميتقطعش وابدا الاول بتسليك الشعر ومتبيقيش عنيفة وانتى بتسرحيه .
7 - لازم تعرفى نوع شعرك ايه ( جاف - عادى - دهنى - مختلط ) عشان تحددى نوع الشامبو او الزيت اللى هتستعمليه معاه وعشان تعرفى نوع شعرك ادخلى على الرابط ده :
http://www.nmisr.com/vb/showthread.php?t=539540
8 - لازم تستخدمى حمام الزيت مرتين فى الاسبوع على الاكتر .
9 - استخدمى الحنة مرة فى الشهر فهى افضل علاج لتقصف الشعر وتنضيف فروة الراس وتغذيتها .
10 - استخدمى نصف ليمونة لتدليك فروة الراس وبصيلات الشعر فهى تنظف الفروة وتنعشها .
11 - اغسلى شعرك دايما بمية باردة حتى فى الشتا .
12 - اوعى تسرحى شعرك وهو مبلول .
13 - استخدمى المشط الخشبى وابعدى عن المشط البلاستيكى .
14 - اذا كنتى بتستخدمى السيشوار كتير فمهم جدا ليكى حمام الزيت باستمرار .