طبعا ممكن تطلبي السيزر سلاط لان السعرات الحرارية بتاعتها قليلة وكمان خفيفة وصحية.
ممكن كمان تطلبي لو عايزة تحلي اطلبي فطيرة التفاح وطبعا سعراتها قليلة وطبعا حجمها صغير وكمان مش هاتزودك في الوزن.
وكمان البان كيك بالجوز طبعا فيها سعرات حرارية بس قليلة وطبعا مفيهاش دهون خالص يعني تاكليها وانتي مطمنة.
ممكن تاكلي وجبة السلمون اطلبيها مع سلطة خضرا واستغني عن العيش واي سلطات تانية وبكده انتي حافظتي على الرجيم بتاعك ومفيش كيلو جرامات زيادة.
وبرده الجمبري والسمك المشوي مفيد جدا وطبعا برده هاتستغني عن العيش وتاكليه مع سلطة خضرا وطبعا هاتكوني حافظتي على وزنك وفي نفس الوقت ماخلفتيش الرجيم بتاعك.
وممكن تاكلي دجاج مشوي عالفحم كمان وممكن تطلبي معاه خضار سوتيه مع سلاطة زبادي مناسب جدا للاشخاص اللي بيعملوا رجيم.
وكمان ممكن تشربي كل العصائر الفريش وطبعا من غير سكر.
وبكده انتي هاتمارسي حياتك طبيعي من غير ماتربطي نفسك باكل معين او مشروب معين وكمان هاتستمتعي بوقتك مع كل اللي بتحبيه وكمان هاتتشجعي انك تكملي في الرجيم وتوصلي للوزن والشكل المناسب واللي يرضيكي.
