من المعروف ان فيه تنافس دايما بين الشركات وبعضها وكل شركة بتحاول تحقق الشهرة والمكسب على حساب الشركات التانية وعشان كده اهم حاجة لكل شركة هى الدعاية والدعاية هى التى تعتبر المحرك الرئيسى للشركات والتنافس الكبير بين الشركات بيبقى اساسه هو الدعاية وحجمها واى شركة تقدر تستقطب نجوم المجتمع زى لاعبية الكورة او الفنانين او المطربين او ممكن تكون الشخصيات الكارتونية هى ابطال الاعلانات ومش المهم النجوم بس فى الاعلان المهم يكون شكل الاعلان ومحتواه يعمل اثر مع الناس بالبلدى كده يعنى يعلق معاهم يبقى ليه شكل مميز عن باقى الاعلانات وشركة الاسبرين ايام زمان فى التلاتينات والاربعينات حاولت تحقق الشكل اللى يعلق مع الناس بانهم يجيبوا اعلان مصور وفى راقصة ومش قادرة ترقص والناس قاعدة فى حالة ملل فتروح تجيب قرصين اسبرين وتدوبهم فى كوباية مية وتشربهم ويزول الالم وتكمل الفقرة بتاعتها والناس تنبسسط دى فكرة اعلان ولكنها علقت مع الناس وفضله الشركة متواجدة لغاية دلوقتى بسبب الدعاية بتاعتها اللى خلتها موجودة على الساحة .
