جمال المرأة هو الميزة اللى ربنا اهداها ليه . لان جمالها وانوثتها هى الحاجة اللى بتميزها عن الراجل وعشان تحافظى على جمالك ورونقك لازم تحافظى بشرتك بانك تعرفى نوعها وانواع الكريمات اللى بتتطلبها بشرتك وكل حاجة خاصة بيها وكمان تتعاملى مع اى مشكلة بحرص شديد لان فى مشاكل بسيطة جدا وممكن يكون حلها ابسط مما تتخيلوا لكن مع الاهمال او المعاملة الغلط ممكن المشكلة تبقى صعبة جدا وساعات بتبقى مستعصية او مزمنة وده ناتج عن قلة الاهتمام بيها عشان كده لما تلاقى بشرتك بقت حساسة اكتر من الاول او الحبوب بتظهر فيها بصورة غير طبيعية او اى حاجة زى دى يبقى لازم تاخدى بالك كويس اوى لان فى الغالب بتكونى انتى السبب فى كده وبتكونى انتى اللى بتضرى بشرتك وجمالك فمع الحياة اللى بنعيشها ممكن تكونى بتعملى اسوا عادات ممكن تضر بشرتك ودلوقتى هعرض عليكى اهم العادات السيئة اللى من الممكن تضر ببشرتك :
* عدم ازالة المكياج قبل النوم بيسبب انسدام مسام الجلد وظهور الحبوب والالتهابات .
* كثرة مضغ اللبان بتسبب ظهور التجاعيد .
* الاستحمام بالماء الساخن لفترة طويلة بيخلى البشرة تفقد الزيوت الطبيعية اللى بيعرضها للجفاف والتجاعيد .
* اعادة وضع المكياج .
* كثرة تقشير البشرة بيسبب تفتح المسام بصورة كبيرة وزيادة افراز الدهون .
* استخدام فرش المكياج المتسخة والغير نظيفة .
* تناول السكريات بصورة كبيرة يؤدى الى تقليل البروتين اللى هو المسئول فى الجسم عن حيوية وصحة البشرة .
* الاجهاد والتوتر .