وقال السباعي:" أشخاص تابعين للشرطة دخلوا منزلي واعتدوا علي حرمة بيتي وتحرشوا تحرش جنسي بزوجتي وسرقوا من منزلي كوليه ذهب لا زوغلي".
وفي مداخلة هاتفية مع الإعلامي أحمد موسي علي قناة التحرير قال:" أنا قلبي لما يتحرق علي بيتي ومراتي لما قسم الزيتون والداخلية تسيء ليا وتحرق قلبي علي مراتي وبيتي أنا راجل بتكلم الكلام ده علي مسئوليتي الشخصية وأدان أمام العالم كله وأثبته لحضرتك، أنا منظمات خارجية طلبت تتدخل أنا اشتريت بلدي ورفضت رفض نهائي".
"من سنة بالظبط قسم الزيتون اقتحم منزلي مرتين وأنا مش موجود وفي محضر برقم 571 وفي شهود، اقتحم منزلي قسم الزيتون في شهر 12 وعندما اتصلت بيا زوجتي وقالت لي الشرطة عندي في البيت قولت لها عندي أنا قالت لي نعم، روحت علي البيت كانوا مشيوا ولما روحت قسم الزيتون قالوا أصل الدليفري بيجي عند حضرتك كتير فحبينا نتحقق من مصدر المعلومة".
"بعدها بحوالي 3 أسابيع كرروا نفس الموضوع وأنا مش موجود زوجتي مريضة بالربو حتى لما جاءت لها الكومة وتعبت سابوا البيت وجريو، لما روحت القسم الظابط أحمد الجمال قولت له إنت روحت بيتي عملتوا في بيتي كده ليه وانا مش موجود قالي أصل أنا جاءت لي معلومة بتقول ان في حد خارج عن القانون قولت له طيب الكلام ده قانوني".
قولت له أقسم بالله العظيم قسم حلمية الزيتون مش هينساني أبداً قولت له بالأدب والاحترام وبالقانون قالي ربنا يعينك.
