شعرك هو نص جمالك وتاجك اللى دايما موجود فوق راسك واللى دايما البنات بيتباهوا بيه قدام بعض وهو اللى بيخلى جمال يبقى مكتمل ومع شعر ناعم وقوى وجميل هيكون جمالك كامل وتبقى مش زى القمر وبس لا هتبقى زى البدر ليلة التمام وزى ما كنا قولنا فى المواضيع اللى فاتت عن الشعر انه مشاكله كتيرة جدا جدا جدا زى مثلا انه يبقى هايش وعرفنا ازاى نتخلص من المشكلة دى فى الموضوع اللى على الرابط ده :
وبعد كل اللى قولناه عن اهمية جمال الشعر ونعومته وقوته لكل بنت او ست بيت يبقى لازم نعرف كل حاجة عن شعرنا ونهتم بيه اهتمام كبير جدا لان المقولة المشهورة بتقول ان الوقاية خير من العلاج والكلام ده صح مليون فى المية مع الشعر لان كل ماتهتمى بشعرك اكتر هتلاقى مشاكل بسيطة وسهلة لكن مع اهمال الشعر هتتحول المشكلة لمشاكل كتيرة جدا ويبقى الحل اصعب واصعب عشان كده لازم نهتم بالشعر اهتمام كبير جدا ومن انواع الاهتمام بالشعر انه ريحته تكون حلوة دايما وعشان كده انا النهاردة جايبلكم طريقة هتخلى ريحة الشعر حلوة جدا :
1 - حطى زيت جوز الهند قبل الاستحمام بنص ساعة .
2 - بعد ما تغسلى شعرك بالشامبو والبلسم حطى قناع واختارية برائحة بتحبيها .
3 - اخلطى بودة الاطفال مع رائحة العطر اللى بتفضليها وحطيها بشكل متفرق على شعرك وعلى رقبتك من الخلف .
4 - نشفى شعرك بالسيشوار ورشى سبراى الجسم اللى بتحبيه من نفس نوع عطرك من بعيد وانتى بتنشفى شعرك .
5 - متغسليش شعرك كل يوم ان كان جاف وخليه يوم بعد يوم وجددى البودرة والعطر يوميا لمقاومة رائحة العرق .