الارادة هى سر النجاح وسر التفوق بيها بنقدر نصنع بكرة وبنقدر نتغلب على الظروف وحكاية النهاردة لبنت اسمها Lizzie Velasquez وليزا بنت عندها مرض نادر لايصاب به الا 3 اشخاص على وجه الارض وهو عبارة عن امتناع الجسم عن زيادة الوزن نهائيا مهما كانت كمية الطعام اللى يتناولها الشخص المصاب .
ليزا فتحت الانترنت مرة ولقت فيديو على موقع youtube باسم اكثر امراة قبحا فى العالم ومدة الفيديو لاتتعدى 10 ثوانى ولقيت المفاجأة ان الفيديو عنها وهى بتضحك ووجدت اكثر من 8 مليون شخص شاهد الفيديو مع الاف التعليقات البشعة واللى بتقولها انتحرى او بتتريق على شكلها وعلى مرض ربنا سبحانه وتعالى هو اللى ابتلاها بيه وللاسف اصحاب التعليقات دى ميعرفوش ان قلوبهم هى الاوحش فى الدنيا مش ليزا .
وعشان كده ليزا قررت انها تتصدى لكل التعليقات دى بانها عملت فيديو مضاد للفيديو ده وعليه كروت باحلامها فى ال3 سنين اللى جاية وهى انها تتخرج من الجامعة وتكتب اول كتاب ليها وانها تبقى ملهمة Motivational Speaker .
ودلوقتى وبعد 8 سنين :
- اتخرجت ليزا من الجامعة .
- بتحضر دلوقتى لاصدار الكتاب الثالث ليها .
- بقت واحدة من اشهر المتحدثين الملهمين فى العالم .
ودلوقتى بتعلم الناس معنى الجمال الحقيقى معنى الارادة فعلا
انت معندكش عذر عشان تنجح لازم تعرف ان النجاح متوقف عليك وعلى ارادتك لانها هى اللى بتحركك وان الجمال الحقيقى عمرخ ما كان شكل وبس الجمال الحقيقى وكان ومازال قلوب واخلاق .
وزى ما قال الرسول صلى الله عليه وسلم ان اثقل شيىء للانسان يوم القيامة فى ميزانه هو حسن الخلق .