بسكويت شاى سهل و سريع ولذيذ
المقادير
كوب زبدة بيضة نصف كوب سكر ناعم كوب وتلت دقيق ملعقة صغيرة بيكنج باودر فانيليا
الطريقـــــــــــــــــــــــــــــــــــة
قومى بضرب الزبدة مع السكر جيدا جيدا _ وبعد كده ضيفى البيضة واضربيهم تانى كويس قوى وطبعا الفانيليا بعد البيض مع استمرار الضرب وبعد كده الدقيق المضاف اليه البيكنج باودر واعجنيهم بالملعقة لغاية العجين ما يتجانس مع بعضه بس ما تعجنيهوش لوقت طويل علشان الخميرة
_ اقسمى العجينة نصفين نصف ضيفى له الكاكاو والثانى خليه ابيض
_ حطى العجين كله فى الثلاجة مدة عشر دقايق
_ ادهنى صاج بالزبدة وابتدى فى تشكيل قطع البسكويت حسب ذوقك
_ سخنى الفرن وضعيهم فيها حتى يستوى ويصبح لونه ذهبى فاتح او مصفر
( يفضل ان يكون مكان العجن والتقطيع فى مكان بارد )
_ بعد تمام السوى يرص فى طبق التقديم وبالهنا
واليكم كمان طريقة اخرى بمقادير اخرى:
كيلو دقيق فاخر "ضرورى يكون فاخر لجودة البسكوت "
نصف كيلو سمن ملعقة كبيرة خميرة فورية ملعقة كبيرة سكر ملعقةملعقتين كبيرتين سمسم ملعقة صغيرة ملح روح موز او اى رائحة تحبها حليب دافى
الطريقــــــــــــــــــــــــــــــــــــــــــــ ـــــــــة
- حطى الدقيق فى اناء للعجن ومعاه الملح واعملى حفرة فى الوسط وضيفى السمسم
- ذوبى الخميرة مع السكر فى شوية لبن وسيبيها لحد ما تخمر
- اقدحى السمن حتى يسخن كويس وحطيه على الدقيق فى الوسط مع السمسم علشان يتحمص وقلبى بالملعقة الخشب وخدى بالك السمن ساخن جدا وسيبيها لحد ما تبردخالص
- افركى فى العجينة بايدك كويس قوى حتى تختلط المقادير كويس وتبقى عندك عجينة ناعمة
- ضيفى اللبن شوية شوية وانت بتعجنى " اوعى تحطيه مرة واحدة"
- ضيفى الخميرة وروح الموز او الرائحة المضلة لديكى واعجنى
- ضعيه بعد العجن فى مكان دافئ حتى يختمر
- بعد كده نبتدى فى تشكيل البسكوت ولو انت بتحبى تحشيه عجوة مثلا مفيش مانع
- ورصيه بعد الانتهاء من التقطيع فى صينية بغير دهان
- واخر حاجة حطيه فى فرن متوسط الحرارة علشات يستوى براحته ويكون هش وخفيف واتفرجى على النتيجة وبالهنا
