ليه نتعب نفسنا وكل شوية هات يابابا فلوس او هاتى يا ماما فلوس ولازم نطلع برا ونروح السوبر ماركت نشترى الشيكولاته طاب نحير نفسنا ليه واحنا ممكن نحضرها فالبيت وبسهولة خالص ومش بتاخد وقت كبير وعلى فكرة كدة احسن واسهل واوفر من الاخر كدة صح الصح وبعدين ربنا مدينا عقل يبقى لازم نستخدمه وبلاش كسل مش كل واحد او واحدة ينفض ويقولك ياعم انزل او انزلى اشترى من السوبر ماركت طاب وليه دة كله ما ممكن نحضرها فالبيت ونريح دماغنا
كام واحدة بتحب دانيت الشيكولاتة ... اللي بتحبه وعايزة طريقته في البيت وأحلى من بتاع بره ومضمون 100%
المقادير ...
كيلو لبن
تمن شيكولاتة خام مذابة على حمام مائي (ممكن تقللي شوية أو تكتري شوية حسب الرغبة)
سكر حسب الرغبة
4 ملاعق نشا مذابة في قليل من الماء
تخلطي اللبن شوية بشوية فوق الشيكولاتة المذابة لحد ما يندمجوا كويس جدا وبعدها ترفعيهم على النار وقبل ما يغلوا تضيفي النشا المذاب فوقهم وتستمري في التقليب وبسرعة لحد ما يتقل الخليط وبعدها توزعيه في كوبايات وتسبيه يبرد وتدخليه التلاج