احالت وزارة الصحة والسكان الدكتور سعيد حساسين الصيدلي الى النائب العام وامرت باغلاق شركته الكائنة فى السادس من اكتوبر وذلك بتهمة بيع اعشاب مضروبة للمواطنين ووصف وصفات للناس رغم ان عمله كصيدلي فقط
كما امرت وزارة الصحة والسكان بشكل اساسي من وزارة الاستثمار ايقاف كل البرامج التى تذيع برنامجه مثل قناة الضياء وجميع القنوات التى تنقل عنه يوميا وصفات حساسين
وكشف احد العاملين فى الكول سنتر الخاص بالدكتور سعيد حساسين انه يعمل به اكثر من 50 شخص غير مؤهلين وكل دورهم بيع اكبر منتجات كاشفا عن انه يتم بيع وصفات مضروبة من عند العطار ويتم ايهام المرضي انها من وصفات سعيد حساسين ويعمل بالكول سنتر ااقارب الدكتور

ولم يعرف بعد ان كان النائب العام سيأمر بالقبض على سعيد حساسين ام لا

قررت وزارة الصحة والسكان إغلاق مركز "حساسين" لتجارة الأعشاب الطبية الكائن بمدينة 6 أكتوبر، وذلك لعدم حصوله على التراخيص اللازمة، وادعاء مالكه الصيدلى "سعيد حساسين" معالجة جميع الأمراض، إضافة إلى رصد "الحملة" جملة من المخالفات الصحية، وممارسة الغش والاحتيال على المرضى.

كما قررت وزارة الصحة إحالة الصيدلى "سعيد حساسين" والذى يطلق على نفسه "خبير الأعشاب فى الوطن العربى" للنائب العام، بصفته رئيس مجلس إدارة شركة حساسين لتجارة الأعشاب والنباتات الطبية.

فى السياق ذاته، وجهت الدكتورة مها الربَّاط وزيرة الصحة والسكان خطابا لوزير الاستثمار طالبته فيه بإيقاف كافة الإعلانات أو البرامج ذات الصيغة الإعلانية فى القنوات التى تبث مثل هذه الإعلانات الخاصة بالمذكور.

كما خاطبت وزيرة الصحة نقابة الصيادلة باتخاذ الإجراءات القانونية حيال الصيدلى "سعيد حساسين"، لقيامه بالكشف على المرضى وبيع الأعشاب مدعيا أنه متخصص فى العلاج بالحجامة والأعشاب الطبية.

بدأت الواقعة بمداهمة لجنة من الإدارة المركزية للمؤسسات العلاجية غير الحكومية، والترخيص بوزارة الصحة والسكان، أول أمس الاثنين، مركز "حساسين" لتجارة الأعشاب والنباتات الطبية بمقره الكائن فى مدينة السادس من أكتوبر، وذلك بعد أن وجهت وزيرة الصحة بمواجهة من يبيعون الوهم للمرضى واستخدام وسائل غير معترف بها.

وبتفتيش مقر الشركة تبين وجود تدريب لبعض العاملين بالشركة على الحجامة مقابل راتب قدره 850 جنيها، وهو ما يخالف القانون رقم 415 لسنة 1954 الخاص بتنظيم مزاولة مهنة الطب البشرى، كما عثر على "كول سنتر" به حوالى 50 فتاة تقوم بالرد على المتصلين وتحديد المندوب الذى يقوم بتوصيل الأعشاب والرد على الاستفسارات الطبية.

كما رصدت الإدارة المركزية للمؤسسات العلاجية غير الحكومية والترخيص عدد من المخالفات لـ"حساسين"، مثل ظهوره بالإعلام دون الحصول على موافقة وزارة الصحة طبقا للقانون رقم 153 لسنة 2004، إضافة إلى وجود العديد من المواطنين داخل مركزه للعلاج بالحجامة والأعشاب، ووصفه وبيعه مستحضرات طبية مخالفا بذلك القانون رقم 415 لسنة 1954 الخاص بمزاولة مهنة الطب البشرى وقانون الصيدلة رقم 127 لسنة 1955.

الجدير بالذكر، أن الإدارة المركزية للمؤسسات العلاجية غير الحكومية، كانت قد دأبت على ملاحقة الصيدلى المذكور منذ شهر مارس 2010، بعدما بدأت ظهور مخالفاته التى يقوم بها فى المجال الطبى، حيث قامت بتاريخ 29 مارس 2010 بمداهمة أحد المراكز التابعة له بشارع الهرم، وتبين أنه خالف أحكام نصوص القانون 415 لسنة 1954 بشأن تنظيم مهنة الطب البشرى والقانون رقم 127 لسنة 1955 فى شأن تنظيم مهنة الصيدلة.

وبتاريخ 25/7/2011 قامت الإدارة بعمل حملة بالاشتراك مع الإدارة العامة لمباحث التموين على شركة "إس- إتش – فارما" بمدينة 6 أكتوبر والمملوكة للصيدلى سعيد حساسين، وتبين أنه عاد لمزاولة نشاطه، وتم تحرير محضر بالواقعة رقم 5097 لسنة 2011 جنح أول 6 أكتوبر بتاريخ 25/7/2011، كما تم إصدار قرار غلق إدارى للمكان.

كما وردت معلومات للإدارة المركزية للمؤسسات العلاجية غير الحكومية والترخيص، العام الماضى، بوجود عيادة للصيدلى المذكور بمدينة طنطا بمحافظة الغربية، وعلى الفور تم مداهمتها وعمل محضر إثبات حالة برقم 7241 لسنة 2013 جنح أول طنطا، وتم تشميع المكان بالشمع الأحمر.

شهادة احد المواطنين فى اليوم السابع كان يعمل مع حساسين
اشتغلت مع الدكتور النصاب ده في شركته اللي في 6 اكتوبر بجوار التوحيد و النور في الكول سنتر و عرفته انه نصاب كبير و سيبته بعد اقل من شهر كالاتي:
1- كل الناس اللي كانت في الكول سنتر اللي كانت بتتلقي طلبات الناس كانت بترد علي الناس علي انها الدكتور سعيد بالكدب عشان كلامها يكون فيه مصداقية و تبيع باكبر قدر عشان كانت بتاخد نسبة علي المبيعات اللي بتبيعها.
2- اسعار الاعشاب اللي بيبعها كانت مبالغ فيها جدا اي حاجة في كيس و خلاص و يقولك 150ج او 350 ج
3- الناس اللي كانت شغالة هناك كمان كانت حرامية لما كانت بتاخد اوردرات من العملاء كانت بتاخد العنوان و رقم التليفون بتاع اللي طالب الاوردر(الاعشاب يعني) و كانت تجيبله اي اعشاب مضروبة من العطار ب 10 ج مثلا و تبعتها للعميل ب 200 او 300 ج علي انها بضاعة حساسين اللي هي كمان مضروبة و هجس في هجس.
4-حساسين نفسه راكب مرسيدس احدث موديل من دم الشعب الغلبان و هو لسة شاب في اواخر الثلاثينيات من فين ده كله
5-كل الاعشاب و الخلطات السرية بتتعمل تحت السلم و بتتباع للناس باسعار خرافية تتراوح من 150 ج الي 500 ج
6-اغلب اللي شغالين في شركته من قرايبه و بلدياته و ناس ريفيين عشان يضمن ولائهم ليه يعني ممكن يكون مديرك في الكول سنتر واحد لابس جلابية بلدي (والله حصل)
7-الكول سنتر اللي عامله لامم اي حد ممكن يشتغل فيه من حاصل علي اعدادية للحرفي للمؤهل المتوسط و كانت غرزة مش كول سنتر لذلك اغلبهم مكنش عنده التزام اخلاقي تجاه اي عميل المهم يبيع و خلاص اي منتج عشان ياخد عمولة علي اي حاجة يبعها فوق مرتبه
8-كان ممكن يقول لواحد مشلول او عنده فيرس سي هات الاشعة و التحاليل معاك و هو دكتور صيدلي لا يعرف في اشعة ولا تحاليل بس لزوم النصب و الاقناع
9-الغريبة ان النصاب ده عنده فروع في جميع انحاء الجمهورية جاب فلوسها من فين ؟من النصب علي الناس الغلابة
10-عنده خلطات لجميع الامراض بالنصب ولما يكون في حملة عليه و مش عارف يوصل بضاعته للعملاء يماطل و يقول لهم ان الطلبيات كتير و مش ملاحقين .الخلاصة انه نصاب كبير