- بجد اول حاجه لازم نعملها اننا بجد نعمل كل حاجه نقدر نعملها علشان نسعد الطرف التاني حتي لو حاجات بسيطه واحنا عملنها بحب ده هيوصله قوووي وهيحس بيه ونركن أي ضغوط ومشاكل حتي لو كانت بينكو وبين بعض خليها تبقه فرصه حلوه قوووي انكو تفتكرو اللحظات الحلوه الي بينكو وفكري في ده انتي وبتجهزي لليوم ده علشان تعملي كل حاجه بحب وبس يبقه تلخيص الي فوق انك تجهزي نفسك نفسيا انك تطلعي احلي ما عندك من مشاعر ولحظات حلوه كانت بينكو علشان تقدري تعملي يوم مختلف وبجد ده بيفرق قووي مش تقولي مش لازم ومفيش حاجه هتفرق وكده جربي انتي بس وسيبي الباقي ومتفكريش
- يوم الفلانتين او عيد الحب او عيد وازكم او عيد ميلاده او عيد ميلادك كل ده مناسب جدا انك تعملى سهره وهيكون احلى طبعا لو من غير مناسبه للانها هتزن مفاجئجه غير متوقعه
بالنسبه للى هيفلتنوا فى الفلانتاين ودلوقتي باقي ايام قليله عليه تقدري تظبطي كل حاجه قبل اليوم ده هو كمان جي يوم جمعه يعني اكيد اجازه وهيكون موجود معاكي في البيت فعلشان كده احنا هنحاول نظبط كل حاجه قبل يوم الجمعه علشان نحاول علي قد ما نقدر انها تكون مفاجئه او مش كل حاجه هيكون شافها يعني يبقه في بعض منها ونحاول نعمل نفسنا مش مهتمين باليوم ده اصلا واده والله هو امتي استعبطي يعني شويه وكده ههههه وانو مش فارق معاكي عيد الحب بقه وكده وعادي ومن جواكي ايه هتموتي وتقوليلو طب ايه هتجبلي هديه ها ايه خليها عليكي المره ي حتي لو هو مكنش فاكر او واخد بالي واعملي انتي كل حاجه ... وبعد اليوم لما يعدي قولي ياحببتي الهديه الي انتي عايزها بس خلي اليوم ده يعدي حلو وهادي ورومانسي بقه وكده تاني يوم بظبط اتخانقي علي طول هههههه احنا اجدع ناس تقلب بردو هههه ...
- سيبكو بقه من الرغي الي فوق ونبتدي نركز مع بعض من هنا ماشي كل يركز معايه في واحده مش مركزه هناك ركزي يامدام ههههه هنقسم تظبيط اليوم احنا معانا تحضير العشاء والسفره بتفاصلها وكمان معانا البيت واللمسات البسيطه الي ممكن نضيفها والهديه وكمان انتي الي لازم تكوني مختلفه وجميله وبسيطه في اليوم ده
- ممكن نعمل ايه علي العشاء ؟؟؟ بصي كل واحد بيختار الاكل زي ما يحب بس طبعا الحاجات الرئيسيه انو يكون خفيف ويكون مش متعوده تعمليه علي طول او يكون واجبه جديده خالص مكلهاش منك قبل كده بس تكوني طبعا عارفه انو بيحب يكلها بردو مش تعملي حاجه غريبه وفي الاخر يكون مش بيحبها ويتقلب اليوم بدري بدري ركزو وخلو بالكو من الحاجات دي في وجبه خفيفه عجبتني هقولكو عليها يمكن تحبو تعملوها طبعا اخترتها انها جديده بردو عليه ومعملتهاش قبل كده وتقريبا اغلبنا هيكون مش متعود يعملها كتيير فراخ بالصلصه البيضه +سلطه السيزر المقادير بقه والتفاصيل سيرش علي جوجل هتلاقيها بالتفصيل زي ما انا عملت وكمان ممكن اصلا تدوري علي جوجل علي اكله خفيفه ومختلفه وتحسي انها سهله وخفيفه وممكن تعمليها الاختيارات مفتوحه وزي ما تحبي الحلو بقه تورته جميله جدا وحجم صغير وتكون علي شكل قلب القالب بتاعها وتزينه بطريقه جميله وممكن حاجات تانيه بجانب قالب التورته ده تكون صغيره وعلي شكل قلب بردو وتكون بسيطه زي فراوله بالشيكولاته بجد بتكون جميله ومختلفه وبسيطه جدا كمان نضيف بقه في الشكل النهائي لاي وجبه احنا اختارنها شكل مميز ممكن نعمل قلوب بالكاتشب او لو الوجبه ممكن تتقطع بشكل قلب مثلا لمسات زي كده مختلفه عن العادي مش مجرد اننا طبخنا وشكرا يعني لا لازم نهتم بالحاجات الصغيره دي لانها بتفرق
- تجهزات البيت والسفره دي مهمه جدا البيت لازم يكون نظيف جدا ومريح عن أي يوم ومعطر جو رحته هاديه وحلوه موجوده بااستمرار والاضاءه الخافته في البيت كله الي بتدي شعور بالراحه ممكن بقه لمسات نعلقها بشكل قلوب بطريقه حلوه اول ما يدخل ودي هتلاقيها دلوقتي موجوده كتيييير قوووي في محلات الهاديه وكمان في افكار تانيه كتييير هتلاقيها تختاري البسيط منها الي ممكن تستخدمي في البيت ممكن تفرشي كمان اوضه النوم من الملايه او المفرش حاجات مختلفه عن كل يوم وبقه دلوقتي الحاجات دي متاحه جدا تشتري مثلا ملايه فيها قلوب او ورد احمر وتشتري بردو الورد المجفف وتستخدميه علي السرير بطريقه بسيطه وجميله السفره بقه لازم نهتم بيها قووي كمان اكتر من الاكل الشموع مهمه جدا ودلوقتي بقه فيه منها اشكال تجنن بصراحه واللون الاحمر طبعا بتبقه حاجه مميزه علي السفره والشوكه والمعلقه مش نحطهم كده وخلاص ممكن نربطهم بفيونكه حمرا او نحطهم بطريقه مختلفه وبسيطه نهتم بعرض الاكل وشكل السفره ككل وانو بجد او ما يدخل يبقه مش شايل عنيه من كتر جمال المنظر والريحه وياريت متكونش ريحه الاكل يعني في كل البيت انا قصدي معطر الجو الهادي طبعا او ممكن البرفان الي بيحب يشمه منك قوووي وبيفكره باايام جميله بجد حاولي علي قد ما تقدري تجيبي كل حاجه كنتو بتحبوها مع بعض
- شكلك بقه الي هو تعملي تغير لدرجه ميعرفكيش اصلا ويقول انا متجوز
الموزه دي هههههه اكيد طبعا مش قصدي انك تبقه اوفر في شكلك بس التغير والاختلاف عن المعتاد مطلوب بس يكون بسيط بردو وشيك لون شعرك حتي التسريحه والميك اب البرفان وكمان الاكسسورات والمونيكير البسيط للفستان للشوزه انا هفضل في يوم زي ده يبقه فستان شيك وبسيط احمر او اسود او أي لون هو بيبحبه كمان كل ما تفكري فهو بيحب ايه هيكون بجد يوم مختلف
- انا عارفه اني لسه متكلمتش علي الهديه الي تجبيها ايه مش هقولك برحتك اجباري الي هقوله في الهديه اديني بقول اهو هههههه بصو بقه انا حبه الهديه تكون بوكس كبير بالشكل الي تختاريه ويكون فيه بس كل اللحظات الحلوه الي عشتوها مع بعض والمواقف كمان والصور الي اكيد هتفكرو بكل لحظه جميله انتو عشتوها مع بعض صوره او كلام او تاريخ جميل انتي فاكره وهو كمان فاكره او حتي لو مش فاكره تفضلي تفكري بيه مع كل ذكره حلوه بطلعيها من البوكس ضحكه وكلام جميل اتقال وقتها وهتقوله لبعض تاني دلوقتي علشان هتفكرو باليوم الجميل الي هضتو مع بعض بجد الهديه دي هتفرق قوووي وهتبقه اجمل هديه انتي عملتيها وانتي نفسك انتي وبتجمعي كل الذكريات قد ايه هتكوني مبسوطه جدا وكمان حاسه اننا بقينا محتاجين قوووي للذكريات الحلوه اننا نفتكرها مع بعض وجمبها كرت جميل قووي وفي كل الكلام الي نفسك تقوليه ومقولتهوش
هديه الفلانتين ممكن تعمليها انتي باايداكي باافكار بسيطه وجميله وكمان بالصور-افكار تقديم هديه مختلفه لحبيبك
- يارب تقضو يوم جميل ومختلف وتنبسطو بيه جدا ويبقه ذكري جميله بض
فوها مع الذكريات القديمه وربنا يجعل ايامكو كلها حب ولحظات مختلفه وجميله