النهاردة باذن الله حنشرح طريقة عمل الكيكة بطريقة سهلة ومتجربة
يعني انا اللي عملاها
اولا المقادير : 1 كوب سكر-3 اكواب دقيق-3 ملاعق سمنة كبار طبعا النوع اللي انتي حباه
وممكن تقللي السمنة عادي-3 بيضات -فانيليا -2 ثمرة برتقال صغيرين او واحدة كبيرة وممكن نستبدلها بكيس فروتي -1 بيكنج بودر-ملعقتين جوز هند-وكوب ماء وممكن نستغني عن الماء ونحط مكانه لبن
طريقة العمل
اولا نعصر البرتقال ونضعه في الخلاط مع السكر والسمنة والفانيليا والبيض
ونضيف نص كوب ماء ونضربهم كويس جدا عشان السكر يدوب
وبعدين نجيب الدقيق ونضع عليه الخليط اللي خلطناه في الخلاط ونضربهم بالمضرب الكهربائي او تعملي بايدك عادي يعني
واهم حاجة العجينة تبقي طرية يعني لو تخينة شوية زودي ميه لغاية ما تبقي طرية وسايبة شوية
وفي الاخر تحطي الجوز الهند والبيكنج بودر وتضربيهم تاني
وبعدين شغلي الفرن شوية وادهني الصونية بالسمنة كويس عشان ما تلزقش العجينة فيها بس ما تكتريش السمنة قوي
وبعدين حطي الخليط وحطيها في الفرن في درجة حرارة متوسطة
وبالهنا والشفا
وادي شكلها النهائي
