أفضل القطع الي ممكن تلبسها العروسه تحت الفستان يوم زفافها

في مننا كتيييييير بنات مش متجوزين وبيحبو يشترو اللانجري ويفضلو يشترو كل جديد وكل الالوان والاشكال المختلفه وكمان تقره كتييير عن الموضوع لدرجه خلاص بقه خبره في الحاجات الكويسه والاقمشه المختلفه والاحلي ايه وانا منهم بردو بس لسه مشترتش حاجه بس بحب جدا اتابع كل جديد واشكالهم والوانهم قد ايه بتبقه جميله وبتحسسك انك ليدي وبتشعر بالانوثه والجمال وكمان البهجه وقد ايه الاقمشه جذابه وشيك زي الحرير والدانتيل من اجمل الاقمشه في اللانجري بالوانهم المختلفه والجميله ومن خبره بنات كتييير في الحاجات دي وفي قعدت بنات سالنا ايه الي ممكن تلبسه العروسه في يوم الفرح تحت الفستان ؟؟؟ودي كانت ردود قعدت البنات من خلال خبرتهم الكبيره في الحاجات دي بجد اكتشفت انهم خبره من ارائهم المختلفه والمفيده وبجد هتستفدو منها جدا تعالو بقه اقولكو ...

- اهم حاجه في لانجري العروسه انو يكون مريح ومثير وعملي علشان ميبقاش عبئ عليها مع الفستان بيبقه الفستان وتقله كفايه قوي مش محتجين نزود عليه حاجه كمان تكون كتيييير

- طبعا الوان لانجري العروسه تحت الفستان تقليديه وكلنا عارفينها ابيض او اوف وايت او بيج وكريمي والوردي الفاتح وممكن كمان الاخضر الفاتح جدا جدا جدا وممكن المشمشي كمان بقه موجود دلوقتي بس مش معناه اننا نختار حاجات ممله وتقليديه اهم حاجه انو يظهر انوثتها وكمان شخصيتها

[IMG][/IMG]

- ودلوقتي جيبلكو مجموعه قطع ممكن تتلبس تحت الفستان بتختاري منهم المناسب ليكي ولفستانك ...

- اول حاجه البوستيه bustier
ميزته انو بيعلي الصدر وبينحت شكل الخصر وهو شيك جدا ومثير وبيخلي شكل الفستان اجمل ويقلل من حجم الفخذين والساقين


- تاني حاجه الصدريه من غير حمالات ودي بتبقه مناسبه للفستان الكب وبيناسب بردو الي بيكون صدرها كبير شويه



- تالت حاجه مشد النحت اذا كنتي تخينه شويه وعند وزن زياده ممكن تلبسي مشد النحت ده وبيدلك شكل اقل وبيبقه الجسم مشدود والبطن اقل والفستان الي بتختاريه يكون بيغطي الكتف

- بعد كده نختار اندر وير مريح ومش بيضيقك في الحركه

- ممكن تلبسي قطعتين seamless ودي بتشد الجسم وبتحسسك انك مش لبسه حاجه لان خامتها ناعمه جدا وانسيبيه وميزتها كمان ان خصرها عالي فبتغطي منطقه البطن وبتقلل من حجمها ونسجها مضاد للبكتريا وممكن تلبسيه في حفلات الصيف



- في بقه الجوارب اللي بتكون الى الفخذين فوق بس دي مبقتش منتشره قوووي دلوقتي لكن شكلها الجميل والي بتبقه فيها دانتيل في النهايه وكمان الجوارب المطرزه وخامتها بتبقه حرير بيخليها من اختيارات بعض العرايس وهو من التقاليد
القديمه الي بقيت مش موجوده عند كتيييير مننا






- الرباط
دا بقه حاجه مشهوره بيها بريطانيا من عادات العرايس انهم يلبسو رباط وانتشرت دلوقتي في كل العالم وبتبقه شكلها مميز ومختلف وبتبقه مزيج من الحرير والدانتيل واضافه الماس كمان والعاده بتشتري منها العروسه قطعتين قطعه ترميها والتانيه بتحتفظ بيها وبتبقه رمز ليله العمر

- الروب وقميص النوم وبيبقه حرير او دانتيل بشكل جميل ومميز وبسيط