قصيده روعه من اروع ما سمعت اهداء للسناجل مش هفلتن لرباب محمد

طبعا الموضوع خاص للسناجل هى مجرد كلمات جميله لبنوته جميله تسمى رباب محمد انا سمعتها بالصدفه وانا بتصفح الفيس بوك .
ولكنى قررت انى ارفعهالكم يوتيوب عشان تسمعوها


وكلمات القصيده

معلش يا عم فلانتين
مش هفلتن أنا مع حد
يكفيني أفلتن مع نفسي
و أفسحني و أجيبلي ورد

أنا هنزل و أتمشى معايا
و أشتري ليا هدية جميلة
مش عايزة أنا من حد هدايا
بلا عيد حب آه بلا نيلة

هقطف وردة و ليا أهديها
و لا هحرم قلبي من حاجة
و هحب أنا نفسي مع نفسي
و للحب حقيقي مش محتاجة

أنا راحتي فـ إني أكون سنجل
ولا حد فـ يوم يوجع قلبي
و يجيلي الواد كدا يتمسكن
أنا حابة أكون عايشة لوحدي

و هعيش معايا أنا أفراحي
و مع نفسي بردو لما أحزن
فـ معلش يا عم فلانتين
السنة دي أنا مش هفلتن


اسمعها بصوت رباب محمد على اليوتيوب