كوب و شويه رز بسمتى
تلت تربع فرخه
سمنه و ممكن تستخدمى زيت عادى
التوابل " ملح و فلفل اسود و كمون و كسبره ناشفه و توابل كبسه و قرفه "
بصله متوسطه
مكعب ماجى
الطريقه
1- حطيت ف الحله سمنه لحد ما ساحت و بشرت البصله و حطيت عليها لحد ما اصفرت و دبلت و لحد ما اصفرت كنت نقعت الرز ف ميه
2- غسلت الفراخ كويس بالملح و الخل علشان اطمن انها نضفت و بعدين روحت حطيتها على البصل و وطيت النار عليها شويه لحد ما نزلت ميتها مع البصل و روحت انا مزوده كوبايه ميه و عليت لحد ما غليت وطيت تانى و حطيت عليها مكعب ماجى و حطيت التوابل كلها
3- سبتها حوالى ساعه الا تلت كانت الفراخ استوت و الميه بدأت تنشف اوى تحسى اصلا وقتها ان مفيش ميه ف الحله غير حاجه بسيطه
4- طلعت الفراخ منها و غسلت الرز كويس و حطيته على الخلطه اللى بتاعت الفراخ و زودت ميه يا دوب غطى الرز بحاجه
غطيت الحله و عليت النار لحد ما الميه اتشربت و بعدين وطيت بالعكس كانى بسوى رز عادى
5- جبت صنيه و حطيت فيها بصله صغيره مقطعه و طماطم مقطعه و فلفل رومى متقطع كله مكعبات و شويه ملح و فلفل اسود و اخدت شويه من ميه الرز يادوب ملعقه يعنى علشان التتبيله بتاعت الفراخ تبقى فيها و حطيتها على الطماطم و البصله و الفلفل المتقطع و دعكتهم بايدى و حطيت الفراخ عليهم و حطيتها على البوتجاز ثوانى لحد ما الميه غليت غلوه و بعدين حطتيها ف الفرن و ولعت الشوايه بس علشان الفراخ تتحمر
6- اول ما الرز استوى غرفته ف الطبق و حطيت الفراخ عليه و الخلطه اللى ف الصنيه حطتها فوق الفراخ و الكبسه
