2-ندخل على الثلاجة افصليها وفضيها كلها وحطى فى الفريزر مياه سخنة فى طبق صغير وفية فانيليا هيخلى ريحة الفريزر تحفة وبعد كدة انزلى للتلاجة من تحت مياه سخنة وصابون وخل هتبقى نضيفة جدا وبعد كدة حطى فحمة لمدة نص ساعة وعلى لما تخلصى بقيت المطبخ تكون عملت مفعول تشيليها وتفرشى مفارش الثلاجة دى مهمة جدا عشان تحافظ على الرفوف ويكون شكلها حلو كمان وكدة الثلاجة بقت قمر
3-ندخل بقى على البوتاجاز مياه سخنة وببيكنج بودر وخل هينضف فى ثوانى وهينور
4-وجينا للمواعين يلا استعدى مياه سخنة وخل لاى حلة لازقة هتجيب معاها من الاخر وحطى مع صابون الغسيل عصير ليمونة هيفرق معاكى كتير وهيقتل البكتيريا كمان وكدة المواعين خلصت نضفى الحوض بالخل هيلمع
5-نضفى الارض بالمياه والليمون والديتول عشان الميكروبات وياريت شوية ملح فى المياه وجربى الارض وهى منورة وبكدة اول حصة فى النضافة خلصت واستنى بقيت الحصص ياجلالة الملكة
كتب بواسطة / سمر السويسى