اى بنت بتحلم ترتبط بالانسان اللى بتحبه وخصوصا اول حب يدخل حياتها وعشان كده بتتكسر اوى لما الحب ده بيبعد عنها وبتبقى الاحلام زى الاشباح اللى بتيجى فى الكوابيس بتبكى بحرقة من قلبها لفراق حبيبها وبتعانى فى بعده عنها بتنزف من جواها ولكن مش بتقدر تبين عشان متتكسرش اكتر قدامه او بتنهار تماما قدام كل الناس اكتر واحدة بتتوجع هى اللى بتبين نفسها جامدة وقوية قدام الناس بتبين انها مش بتبكى على حد لما تيجى سيرته قدامها بتقول اهوه غار فى داهية بتقول ان حياتها دلوقتى من غيره احلى بكتير دى البنت اللى بجد بتتعذب اوى لان اصعب عذاب هى ضحكة بتخفى الف دمعة وعشان كده انتى لازم تحافظى على نفسك وعلى قلبك متخليش قلبك زى السبيل كل الناس تشرب منه لا خليه زى التاج ميتحطش الا على راس ملك واحد هو اللى يستحق انك تتويجيه بيه وهو جوزك استنى نصيبك وربنا هيرزقك باللى بيحبك وزى ما أنتى حافظتى على نفسك هتلاقى اللى يحافظ عليكى ابدئى من النهاردة واطردى الاوهام من دماغك خلى قلبك لله وهو اللى هيرزقك بالزوج الصالح ولو كنتى غلطتى قبل كده استغفرى ربنا وتوبى وطلعى الاوهام من جواكى .
ولما ربنا يرزقك باللى يستاهلك اديله كل الحب اللى انتى مخزناه جواكى اسعديه واديله كل اهتمام وحب الدنيا وساعتها بجد هتلاقيه بيموت فيكى وفعلا هتلاقيه زى الخاتم فى صباعك .
