من فترة طويلة وموضوع التبادل الاعلاني منتشر في المنتديات العربية علشان يزود البيدج رانك وب ظهور افضل في نتائج البحث وزوار اكثر ثم ارباح افضل .
لكن في الفترة الاخيرة جوجل اعتبرت تبادل الروابط غش وبدأت تعاقب اي موقع يعمل علي تبادل الروابط او الاعلانات تقريبا من منتصف عام 2012 داخلين علي سنتين
معلومة احب اقولها للناس الي مهتمية بالموضوع ده .. لو انت موقعك بيعتمد علي جوجل بشكل اساسي في الحصول علي الزوار فاياك ان تلعب مع جوجل
وهحكي تجربتي بسرعة .. في الحقيقة انا كان عندي منتدي قديم من 2007 تقريبا وكان معظم محتواه تقريبا منسوخ والمحتوي الغير منسوخ في مواقع تانية سرقاه
عادي كما تدين تدان وفي يوم جاتلي رسالة من ادسنس كانت معناها "انت هتستظرف ولا ايه ؟؟ ايه الهباب الي انت حاطة في الموقع ده ؟؟ اخلص غير الحاجات دي" يعني حاجة زي كدا
المهم اغير ايه حضرتك دا بتاع 10000 موضوع بالميت .. قمت شايل اعلانات ادسنس من الموقع وحطيت اعلانات من شركات تانية دخل اقل بس مش مهم المحتوي .
بعد كام شهر هوب مفيش زوار - ليه ياعم ؟ ساند بوكس - يعني ايه ؟
القصة دي بعد ماكان عندي بتاع مليون باكلنك والاف الزوار كل يوم ..
زمن النت الجميل خلاص انتهي
دلوقتي عليك وعلي وردبريس وقعد الف يامعلم .. اشطة ومالة بس القدام الي زي حلاتي صعبة عليهم لما اكون من 2007 شغال ومضطر ابدا من الاول دلوقتي 