ازاي نقدر نستغل حاجات أطفالنا القديمة وممكن نعمل بيها إيه بدل ما نركنها أو نرميها

أول حمل بتبقه في الواحدة عايزه تجيب لطفلها كل حاجه تعجبها عنيها تقع عليها من المستلزمات الطفل الاساسيه زي السرير وكمان الشنطه الخاصة بالطفل والعربية والببرونه وكمان الحاجات التانيه زي الشيالة والألعاب المختلفة لكل مرحله عمريه وكمان ترابيزه تغير الحفاضات كل ده بنيجي عند مرحله معينه وبنبقه مش محتاجينه خالص وكمان مش معانا اولاد تاني او اولادنا كبرو وكمان في حاجات ممكن تكون مستخدمنهاش أصلا وبتكون زي ما هي جديده جيبالكو افكار بدل ما تاخد مكان في البيت عندنا ومش عارفين نوديهم فين وعاملين زحمه في البيت مالهاش لازمه وفي مننا كمان يوزعها للأقارب ...

ممكن نعمل ايه علشان نستغل كل الحاجات دي تاني بصوره مفيدة تعالو أقولكم علي بعض الأفكار إلي ممكن تلاقهو مناسبة ليكو ...

افكار للاعاده تدوير مستلزمات الاطفال

- هنقسم الحاجات الي موجوده عندنا حاجات ممكن نستغن عنها خالص وتترمي علشان باظت او شكله مينفعش اننا نستخدمها تاني سواء احنا او غيرنا وحاجات تانيه اسخدمنها بسيط او ممكن كمان مستخدمنهاش خالص ونصورهم ونزلهم علي النت علي أي موقع بيع ودي موجود منو كتييير جدا دلوقتي علي النت زي دوبيزل الأشهر وكمان سوق دوت كوم.

.. والاستفادة من مبلغ البيع حتى لو هتنزلي من السعر النص انتي الي مستفادة بردو بالمبلغ وانك ممكن تشتري بيه حاجات تانيه لطفلك وفي اسر كتييير بقيت تشوف قصه البيع والشراء عن طريق النت مفيد جدا وافضل كمان واوفر ليهم فااكيد هتلاقي اشخاص يشترو منك الحاجات دي متقلقيش من القصه دي خالص

- أفكار ثانيه لأعاده الاستخدام بدل من ركنهم في البيت كده وبس وبيبقه واخدين مساحه كبيره في حاجات كنتي بتستخدميه بطريقه في مرحله معينه ودلوقتي ممكن تخلي ليها استخدام تاني ومناسب لطفلك دلوقتي زي ممكن الترابيزه الي بيالكل عليها طفلك ممكن تخليها مكتب صغير ليه بشكل جميل او يستخدمها انو يلعب عليها يلون او بالصلصال وكل حاجه عندك ممكن تفكري فيها ازاي تقدري تستخدميه تاني وهتلاقي افكار كتييير ممكن تقدري تستخدمي الحاجه دي من خلالها في البيت سواء لطفلك او كمان ليكي انتي في البيت

- اخر حاجه لو انتي بتحبي تتبرعي لاي مكان محتاج المستلزمات دي فدي كمان فكره كويسه جدا علشان تفيدي بيها غيرك وبتاخدي اكيد ثواب بيها
- بس اهم حاجه متسبهاش في البيت كده وخلاص وبتبقي عملتي بيها زحمه في بيتك او كمان في اوضه طفلك وهي مالهاش أي لازمه عندك ....