خبز التورتيلا الشهير فهو خبز مكسيكى لذيذ الطعم وأشتهر فى فى مصر بالمطاعم الأمريكية التى تقدم الوجبات السريعة حيث يتم حشوه فى الفاهيتا ولحك الشاورما الفراخ واللحوم والسوسيس ومن الممكن أستخدامه مع الكبدة السكندرانى مع اضافة الطماطم والفلفل الأخضر والسلطات الخضراء والصحينة أو الكول سلو واصبح له شهرة عالمية لسهولة عمله ويوجد له مكينة مخصوصة لعمله تباع فى الأسواق ومن الممكن ربة المنزل أن تقوم بعمله فى المنزل بدون استخدام تلك المكينة وهو ما سوف نوضحه فى الأسطر لطريقة عمل خبز التورتيلا وتوجد طريقتين

الطريقة الأولى

المقادير

2 كوب دقيق
معلقه كبيره خميره فوريه
معلقه صغيره سكر
معلقه صغيره ملح
معلقه صغيره بيكنج بودر
2 معلقه حليب بودره
معلقتين كبار زيت
كوب الا ربع ميه دافيه وممكن تزودى شويه مع العجين يلم معاكى


الطريقه

نعجن المقادير السابقه كلها مع بعض لحد ما تكون عجينه ناعمه ومتماسكه ونسيبها ساعه تخمر وتتضاعف ونكورها بالحجم المناسب وتفردى واحده واحده وتسويها فى طاسه تيفال على نار هاديه وهذه الكميه على بعضها تقريبا تعمل من 8 ــ 10 وحدات حسب الحجم اللي هتشكليه





الطريقة الثانية

المقادير
1 كوب دقيق ابيض
2 كوب دقيق ذره
2 ملعقه كبيره سكر
1 ملعقه صغيره ملح
1.5 ملعقه صغيره بيكنج بودر
2 ملعقه زبده
ماء للعجن

الحشو
شاورما
خس
ماينز

الطريقه

تعجن كل المحتويات السابقه مع بعضها جيدا حتى تتكون عجينه متماسكه سهله الفرد




نغطى العجينه ونتركها ترتاح لمده نصف ساعه

نقطعها كور صغيره فى حجم واحد تقريبا




نغطيها ترتاح لمده دقائق ونفردها بالنشابه فممكن تلزق شويه ضيقى ليها دقيق وعلى صاج اوسطح تيفال ممسموح بالزيت ونسويه
مش بياخد اكتر من ثوانى للجهتين ونضع الخبز فى فوطه فورا وبعده فى كيس بلاستك حتى لا ينشف منك

ثم نفرد خبز التورتيلا بعد التسوية ونضع به الحشوه ونقوم بلفه ببطىء




وهذا هو شكل الطبق النهائى أثناء التقديم




وبالهنا والشفا ويارب تكون الطريقة عجبتكم

طريقة عمل خبز التورتيلا " بالخطوات والصور "

رائع جداا يسلمووو

شكرًا على الطريقة الجميلة