السلام عليكم يا بنات
التجديد واجب اساسى فى المطبخ ومن اجل هذا عملنا القسم ده علشان كل ستار منكن تقول خبرانها والستارالباقى تستفيد وتفيد النهاردة فكرتى كانت عن تحمير الفراخ المسلوقة بس مش تحمير تقليدى ابدا ده تحمير روعة ويشرفك امام اى مسئوا مطبخ محترف كمان ولن تستغنوا عنا اطلاقا
الخلطه عباره عن:
1- معلقه كبيره لكل من
(عسل اسود- مسترده- صلصة طماطم)
2- اقل من معلقه كبيره توم مفروم
3- معلقتين كبار زيت دره
4- معلقه كبيره كاتشاب وممكن الاستغناء عنها
5- عصير لمونه
6- بهاراتك (ملح وفلفل اسود وكمون ورشة سكر لو مش هتستخدمى الكاتشاب وكيس مرقة داج فوريه ورشة نعناع)
وتقلبيهم كويس جدا والافضل انك تشيلى جلد الفراج وتعملى نغزات كده بالسكينه فى اجزاء الفراخ بعد سلقها ونزع الجلد منها وتغطيها بالتتبيله دى والافضل تسبيها فى التلاجه شويه عشان التتنبيله تدخل جواها فى النغزات وتدى طعم احلى
بعد ماتخلصى اكلك طلعيها وحطيها تحت شواية الفرن وحمريها مع تقليبها ع الجانبين
ولما تخرج وهى سخنه مولعه اديها رشة ملح وفلفل اسود تانى
واستمتعى بالطعم الجميل والشكل الرائع وهتعتمديها فى عزوماتك ان شاء الله