طبعا كلنا عارفيين ان الخيار روحه ضعيفه زى ما بيقولوا ومش بيصبر كتير فى الثلاجة يعنى بالكتير اوى خمس او سبع ايام انا انهاردة جبت لست البيت طريقة حلوة خلص وسهلة جدا ومش مكلفة بالمرة او بمعنى اصح بدون تعب ولا تكاليف اصلا طبعا الموضوع هيبقى كويس لست البيت العاملة الى مش بتقدر تعمل شوبينج دايما
كل الى هتحتاجيه علبة بلاستيك محكمة الغلق من الى بنحفظ فيهم الاطعمة وكمان هنحتاج ورق مطبخ الى هيا المناديل الى بنستخدمها فى القلى لامتصاص الزيت وغيرها من الاغراض المنزلية والريقة كالآتى
اول حاجة بنجيب العلبة ونفرش المناديل فى الاسفل كدا
ونحط الخيار بالشكل الى انتو شايفينه دا جمب بعض مش فوق بعض
وبعدين نحط طبقة مناديل زى مانتوا شايفين كدا
وبعدين بقية الخيار وفوقهم المناديل لحد ما الكمية تخلص
وفى الاخر بنغطى الطبقة الى فوق بالمناديل وبنقفل العلبة وكدا هيعيش معاكى لمدة شهر نضيف ومش هيبوظ
ود الخيار بعد اسبوعين
