انا انهاردة بقن جبتلكم طريقة عمل مكرونة بشاميلاخ
بالفراخ والخضروات تعمليها فى بيتك لاولادك بنضافة وكمان نضيفة للأطفال الى بيرفضوا اللحمة دا وكما ن الفراخ بتبقى خفيفة فى الاكل عن اللحمة وتغيير عن المعتاد دايما ندخل فى الطبخة
ولو شوفتوا المقادير طبعا هتعرفوا وتتأكدوا انها مفيدة لانها موجود فيها جميع العناصر والفيتامينات
الموضوع دا حصرى بس لمنتديات نجوم مصرية لانه كله من كتابتى
المقادير
قطع فراخ مخلية ومقطعة صغيرة
بصل
فلفل اخضر
طماطم
ملح وفلفل وبهار فراخ
جزر
بازلاء
دقيق زبدة
لبن
كريمة لبانى او قشطة
جبن كريمية
الطريقة
(البشاميل)
بنسيح اربع معالق زبدة او سمنة او زيت ونضع نفس مقدارهم دقيق ونقلبه لحد ما يتحمر مش يتحرق طبعا يعنى يكون لون دهبى كدا وبعدين ننزل واحدة واحدة باللبن البارد اربع اكواب طبعا مع التقليب المستمر (لو اتكتل منك متخافيش وتقولى باظ وترميه ) اضربيه فى الخلاط وهو يبقى حلو
ونسيبه ربع ساعة على النار ونحطة ملح وفلفل وربع كوب جبنة كريمية اى نوع بنحبه
(العصاج بالخضروات )
بنشوح البصلة والننزل بالجزر والبسلة ومعاهم فص توم ومكعبات الطماطم ومعلقة صلصة ونسيبهم مع بعض عر دقايق لحد ما يكونوا دخلوا فى السوا ونشوح معاهم قطع الفراخ دا قبل الصلصة سورى ونسيب الخليط يستوى مع بعضة ممكن نزود مية عشان يستوى طبعا
دا بالنسبة للعصاج خلصناه وبنكون سالقين المكرونة اى نوع تفضلوه
وبناخد تلت البشاميل نلخبطة مع المكرونة ونجيب الصينية ونضع اول طبقة من المكرونة وبعدين شوية بشاميل صغيرين وبعدين العصاج وبعدين بقية المكرونة وفى الوش نضيف باقى البشاميل والكريمة على الوش عشان التحمير او القشطة برضه وبالف هنا وشفا احلى مكرونة بالفراخ لينا ولولادنا