سؤال أوجة اليكم لية الستات دايما بيبقوا رغايات أوى لية كدة .

يعنى مثلا الواحدة من دول تقدر تتكلملها سبعومية مليون كلمة فى الدقيقة فلانة عملت و علانة سوت و البت اتطلقت و الواد اتجوز و المحشى اتحرق و الراجل مدنيش فلوس .

طب انا هحكيلكو حاجة حصلت النهاردة فى صلاة العيد طبعا زى ما انتو عارفين الدنيا كانت غرقانة النهاردة بسبب المطرة فرحت أصلى فى جامع و كانوا مقسمين الجامع حتة للستات و حتة للرجالة و بالرغم من ان معظم الجامع كان رجالة و الشيخ بيخطب تسمع صوت الستات اللهم صلى عالنبى اية ملعلع فى كل حتة و كانهم قاعدين عالمصطبة و العيال بتعيط و صوت بلالين العيد و هى بتتنفخ و بعد شوية تفرقع طبعا كل دة فى الجامع

و عم الشيخ عمالى ينادى فيهم وطوا صوتكم اسكتوا و كانهم طرش الصوت بيعلا و تلاقى اللى تقولك ماحنا سكتين اههة ترد عليها التانية أة يا ختى اية الراجل العجيب دة .

صراجة أنا مستغرب من الرغى دوة عالفاضى و المليان هما موراهمش حاجة يعملوها صراحة حاجة توجع الدماغ .


ربنا يرحم الرجالة من الرغى دوة الواحد يبقى جاى مالشغل تعبان يلاقى الولية عمالة تقولو حاجات عجيبة و مواضيع تافهة و عايزة يكلمها مش كفاية سامع كلامها و ساكت حاجة غريبة .

و المصيبة بقة فى التليييييييييفووووووووووووون و اه من النليفون تلاقى الفاتورة جايلك ألف جنية و لا حاجة تروح تشتكى و فى الاخر يطلع كلة تمام و لكن المشكلة فى الرغى

دا الواحد مننا لو حصل و كلم صاحبة مرة ازيك عامل اية ما تنساش كذا و بعدين أقولة سلاااااااااااام
أما دول أجارك اللة

هاعرضك عليكوا مثال من خيالى لمكالمة الستات و شوفو الفضايح
( ألوةةةةةةةةةةةةةةة أيوة يا فتكات
أيوة يا حبيبتى يا روحى يا امرة ازيك يا بت عاملة اييييية
و الله العيال مغلبنى يااااختى
مين سمعك أنا بقى العيال و الراجل
يا وكستك اديلو بالشبشب علطول وعلى رأى المثل جوزك على ما تعودية و هيحبك على اد ما تشبشبية
يا ختى دانا ماعنديش شبشب
خلاص باجزمة اديلوا
ههههه ( ضحكة خليعة ) يا عنى يا ولية ما عنديش شبش و عندى جزمة
اة دى مشكلة طب نعمل اية أقولك جاتلى فكرة انزلى هاتى واحد
طب اية رأيك فى المأشة تنفع
ما جربتهاش قبل كدة
خلاص هجربها انا و أقولك نتيجتها
اسكتىىىىىىىى
اية
مش الراجل امبارح نام منى و كنت محاضرلة الحمام و الكوارع من غير ما .......
يادهوتى هو الرجالة جرالهم اية دانا كمان حصلى كدة
بصى دكتور الأعشاب اللى فاتلفزيون أال على خلطة حلوة أوى للموضوع دة و البت تحية اللى فى الشارع اللى ورانا قالتلى أنة نفع كدة دا جوزها بقا أاعد فى البيت ليل نهار .
أفلى أفلى على الموضوع أصلى المدعوأ جة يا خرابى
فية اية فزعتينى جتك فزعة
نسيت أعملة الأكل
مش بتقولى انة ما سبلكيش فلوس
اة صح يولع هو و اللى خلفوة
طب انتى بقى عملتى أكلك النهاردة ازاى
بصى يا حبيبتى أنا جيبت بصلتين و ............ ( تظل تحكى ربع ساعة )
أنا عندى وصفة أحلى خليها بصلة و نصف و ..........( تظل تحكى نصف ساعة )
سيبك سيبك شوفتى الولية العقربة أم حنفى عملت اية
اية
مش اشتروا مكيف ماللى بيسقع الجو دوة
يا ولا الحرمية و دة سرقوا من انهى ناحية

من أى داهية بقى دا جوزها بياخد فى الشهر تمنومية جنية .
طب بصى دا أنا باخد مصروف بيت تلتومية جنية عمى
يابختك دانا باخد 275
دانا حالنا ياختى يصعب عالكافر
بصى بصى أنا هنصحك بحاجة الشيخ اللى فالتلفزيون قالها
اية
بلاش نجيب سيرة حد
هو احنا جيبنا سيرة حد خالص دا احنا بنحكى بس
اة منا عارفة بس بفكرك بس
اسكتىىىىىىىىىىىىىى
اية
مش جبت ..................
(تيت تيت تيت )
مين اللى شد السلك يا ولا الكلب
( و هكذا انتهت المكالمة ) فاتصلت ثانية و أكملت الرغى الى أن يشد السلك مرة أخرى و تقول خلاص باش اتصل تانى .

دة مثال مبسط لظنى ان الستات بيتكلموة فية فى التليفونات طبعا البلدى أما الهاى فدى حدوتة تانية لكن بردو رغايين


و عشان أبقى منصف أكيد فى بعض الستات عقلى شوية و بيسكتو و مبيرغوش كتير بس أكيد شوية شوية قوى كمان ربنا يرحمنا من الستات و يرحم الستات مننا و لا اية ؟؟؟؟؟؟؟؟؟؟؟؟؟؟؟

انت شكلك بتاعاني جامد
بس مش كل الستات كدا وبعدين طبيعه الوحده ربنا خالقها بتتكلم اكتر من الراجل وبعدين لما تكون في ابيت مش بتشتغل بتكون زهقانه وبتستنى لما جوزها يجي عشان تقوله اللي حصل معاها امال هتكلم مين يعني ولما بتلاقيه مش معبرها بتدور على اي حد يسمعها مهو مش معقوله يعني تكلم نفسها ولو مش مصدق كلامي اعمل بحث علمي هتلاقي كلامي حقيقي وهو ان فطرة المراه انها تتكلم اكتر من الراجل لان ماعندهاش حاجه تانيه تعبر بيها وخاصتا لما تكون ربه بيت

واسفه على الاطاله

فعلا عندك حق فيما تقولين
فهى لا تجد من تكلمة لأنها محبوسة فى البيت أوكية يكلموا فى التليفون و يرفعولنا الفاتورة و بعدها يجلنا و السكر
بس يتكلموا فى الجامع لية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
و شكرا على ردك

ههههههههههههههه
فعلا معاك حق بيحصل عندناا كل دة
بس بردو مش كلهم رغايين

من ناحيه المسجد دي بصراحه معاك حق بس مش معقوله ان كل الستات بتتتكلم في المسجد

مو كل الستات يا عم رغايات انا ما بحب احكي كتير عاااااااااااااااااااااادي

ممكن
بس بردوا أغلبهم بيكلموا كتير
و بعدين انتى مش ست

























































انتى ست الستات

الله عليك يابو حميد إنت رغم سنك بس سابقه بكتير فعلن رغايات مووت