انا انهاردة جبتلكم ماسك انما بجد روعة فظييييييييييييع مفعوله سريع جدا يعنى مفعوله مجرد ما تشيليه هتلاقى المفعول وياسلام لو واظبتى عليه لمدة تلات ايام هتنورى بجد هتوصلى لاقصى درجة تفتيح ايوة بجد والله والماسك دا عن تجربه كمان وتجربة مين تجربتى انا بجد والله لما اكون عاوزة اروح مشوار كدا وابقى منورة ومبيضه كدا اعمل الماسك دامش قادرة اوصفلكم اد ايه بيريح البشرة ويرطبها ويغذيها وكل حاجة والله ما بكدب جربوه وهتدعولى وبينفع لجميع انواع البشرة
الماسك دا مقاديره عباره عن
تلات ملاعق ترمس مطحون
نصف ملعقة عسل ابيض
ملعقة زبادى بلدى
وتخلطيهم وتحطيهم على وشك لمدة ربع ساعة او تلت ساعة ولما تيجى تشيليه تبلي ايدك مية وتضغطى براحة على الوجه بحيث انك تبوشى الماسك على وجهك مش تشيليه ولما يبوش تبدأى بالتدليك بحركة دائرية وبعدين تشطفى وتسيبى بشرتك ترتاح ربع ساعة وبعين تحكمى بعد ربع ساعة وهتدعيلى انا متأكدة على النعومة والرطوبة والتفتيح ال حصلك