اليومين دول مشكلة الهالات السودا بقت مشكله فظيعة عند كل الناس سواء ستات او رجالة ودا بسبب الاشياء الى طلعت جديدة علينا الكمبيوتر والتلفزيون وخلافه من ا لتكنولجيا الحديثة والسهر امامها كمان هو دا الى بيتعب العين ويسبب الهالات السوداء حول العين ودا بيسب الاحراج لكتير من الناس وخصوصا البنات كمان بيستخدموا ادوات كيماوية للتجميل كتير ودا كمان بيضرهم اكتر ودايما بندور على حلول فى كريمات ومرطبات ومنتجات كتيرة لكنها طبعا بتتعب البشرة جدا فلازم نرجع للطبيعة الى مش بتضرنا ابدا وهى اننا نستخدم مواد طبيعية متتعبش البشرة طيب انا انهاردة جبتلكم وصفة سهلة جدا وهتفيدكم جدا ولو جربتوها اكيد هتدعولى
الوصفة عبارة عن
نصف خيارة
نصف بطاطساية
بس كدا شوفتوا بقى اد ايه سهلة وبسيطة مفيش اسهل من كدا طبعا يا حلوين
المهم ندخل فى الموضوع طبعا
اول حاجة نجيب مبشرة الى بنبشر بيها البصل والجزر وخلافه
ونبدأ اننا نبشر الخيار والبطاطس بالشكل الى هتشوفوه دا وبعدين نخلطهم مع بعض كويس ومنرميش المية الى بتنزل منهم وهما بيتبشروا
وبعدين هنعمل ايه نجيب العلبة بتاعت قطع الثلج ونضعهم بيها بالشكل الى هوريهلكم دا
وبعدين بعد ما يجمدوا
تجيبى القطعة وتبدأى تدلكى عيونك بيها كويس جدا لحد ما كل المية تسيح ويفضل الخليط تثبتيه على عيونك لمدة ربع ساعة
كررى الموضوع كل يوم وهتلاحظى الفرق خلال اسبوع واحد
ودى كمان طريقة بالفيديو برضه سهلة جدا
http://sa.ae/5244075/