انا انهاردة جبتلكم ماسك بينفع مع جميع انواع البشرة ولما تستخدميه مش هتحتاجى تانى لاى مستحضرات كيماوية او اى مستحضرات تجميلية غالية ومش بتوفر فى المالية طب هنعمل ايه لو عاوزين نبقى حلوين وفى نفس الوقت نوفر فى الفلوس وكمان منضرش بشرتنا سواء على المدى البعيد او القريب الحل اننا نستخدم مواد طبيعية الى ربنا خلقها لينا لان كل حاجة من صنع ربنا ليها فوايد اكيد مفيش حاجة ملهاش فوايد
وتعالوا نشوف الماسك الى هيخلينا منورين وحلوين بدون اى كيماويات هو ايه
اول حاجة هنتكلم عن المكونات
خيارتين
معلقة دقيق
معلقة جلسرين
طيب نعمل بيهم ايه يا ترى
نبشر الخيار بالمبشرة بالجهة الناعمة ونخلط باقى المكونات مع بعضها ونضعها على الوجه لمدة نصف ساعة وبعدين نغسله بالماء الفاتر والملح يعنى لكل لتر ماء نحط معلقة ملح
انا بأكدلكم ان الماسك دا مش بس هيعالج مشكلة او اتين دا هيعالج معظم مشاكل بشرتكم