المقادير: العجين
كوب ماء دافي +
م ك خميرة +
م ص بيكنغ باودر +
م ص ملح +
2 م ك سكر +
2 م ك لبن بودرة +
نص كوب زيت و بفضل زيت الزيتون +
دقيق لحد ماتلم العجينة معك
التحضير: انا ياحبايبي مابكيل الدقيق لان بيختلف من نوع لنوع
منعجن عادي ومنترك العجين ليخمر وعفكرة انا مابستعمل بالعادة
هالعجينة بس حسيت هي اسهل ومتل ماقلتلكن كنت كتير مستعجلة
عبين ماتخمر العجينة
منجيب نص كيلو لحمة منحطلها بيضة و نص م ص ملح و رشة توم بودرة
و رشة بهار ابيض
منعجنهن كويس مع بعض ومنمدن بصينية و عالفرن
هون لما طلعتها من الفرن
ومعلش الصينية طالعة من الحرب العالمية بس انا بحب قياسها و نوعيتها
ممتازة لهيك مابستعمل غيرها
منفرد العجينة بعد ماخمرت طبعا بقياس الصينية الي بدنا نحط فيها البتزا
هلا منجي لاول تكة وهيه بخصوص الشوي بتعطيكي طعم كانها البيتزا
الي بتنعمل بالافران الخاصة تاعيت المحلات
منجيب الصينية منقلبها بهالشكل
ومنفرد عليها دقيق بهالشكل
منفرد العجين الي كنا عملناه و فردناه سابقا
التكة التانية
مندهن اول وش بالمايونيز بيعطي طعم كتييييييييييييييير مميز
منجيب اللحمة الي عملناها و منحطها
الفراغ الي عالجوانب ممكن تحشيها جبنة وممكن متل موعاملة انا حاطة
قطع ببيروني (لحم مجفف بتلاقوه بالمولات قسم اللحومات الباردة)
ومنكفي البتزا عادي مندهن وش صلصة و انا بستعمل الصلصة الجاهزة
ومنحط الخضار فلفل و ذرة و فطر طماطم بصل الي بدك ياه حطيه
و حطيت بطاطا مقلية مو هيه بالاصل همبرغر مو هيك اتفقنا
واخر شي الجبنة
وعالوش رشيت اوريغانو نخدلها الفرن حتى تمام السوا