نجوم مصرية
منتديات نجوم مصرية منتدى التسلية والترفيه منتدى الحب والرومانسية قلوب حائرة



تابع نجوم مصرية على أخبار جوجل




ياترى مين الجاني؟؟

 

بسم الله الرحمن الرحيم
انا بكتب النهارده مشكله انسانه عزيزه على قلبي جدا وبجد اتمنى تستفيدو منها وتقوليلي اعمل ايه عشانها مشكلتها انها من صغرها كانت بتسمع اهلها يقولو انها لابن عمها ودايما كانت متعلقه فيه ماكانتش بتلعب الا معاه رغم ان عندها بنات عمتها وخالتها لكنها مكانتش شايفه غيره وكان اهلها دايما يقولو لها خطيبك فين لحد ماكبرت وحبه كبر جواها وكل يوم يزيد عن اليوم اللي قبله ولما عرفت معنى الحب وزاد حبها ليه اكتر كانت دايما تسمع له وتقف جمبه وتدافع عنه في اصعب الاوقات كان هين عليها تقتل اي حد يزعله ولما كبرت وهو كبر اهلها بقو يبعدوهم عن بعض بحجه انهم كبرو ا وماينفعش يكونوا مع بعض لان اهلها عيله محافظه وهو حصلت له شويه ظروف وضغوط خلتو يتاخر في دراسته وخلت نظرت اهله ليه انه انسان فاشل عديم النفع لكن مع ذلك ورغم كل الكلام السئ اللي سمعته عنه الاانها كانت بتحبه بجنون وكانت بتتقطع على حالته وبتتمنى تحميه بروحها لو تقدر ولما قرر الارتباط كانت واثقه ومتاكده انها هي اول وحده هايفكر فيها وان كلام اهلها طول السنين اللي فاتت هايتحقق وان حلمها خلاص قرب منها لكن صدمتها انه عايز يرتبط باختها الاصغر منهامش بيها هي اللي عملت كل حاجه عشان تشوفه سعيد بجد لو احكي من هنا لبكرا مش هاقدر اوصف قد ايه هي كانت بتحبه ووضعها جدا صعب لان اختها هي اقرب انسانه ليها وماتقدرش تكرها وهو كان حلم حياتها وبرضو ماتقدرش تنساه بسهوله انا بجد مش متخيلاها تحضر فرح حبيبها على اختها ...........بعد 19 سنه من حبها ليه ياترى مين الجاني ؟ واعمل ايه عشانها بجد صعب حالتها ........ وياترى دا سبب كافي اننا نقفل قلوبنا ومانفكرش في الحب ابدا لحد مانلاقي نصيبنا ؟ ا






المقال "ياترى مين الجاني؟؟" نشر بواسطة: بتاريخ:
مثل القمر لي جانب مظلم
ارجوكم ساعدوني انا محتاجاكم جدا
امو
دى حاجة صعب اوى
انا ما اقدرش الومها لان الاهل من البداية هما اللى شجعوها على كده
بس انا مش فاهمة يعنى
هو كده شكله ماقلهاش انه بيحبها ولا لمحلها
هى ازاى فهت انها ممكن تكون اول واحده يخترها
هو بجد موضوع صعب
وبالنسبة لاختها ايه نظامها يعنى اكيد هى عارفة وانها قيلالها
لو بتحبها اكيد هترفضه وتحل المشكلة
هى دى المشكلة نحب اللى مش حاسس بينا واللى بيحبنا متعذب واحنا ولا احنا هنا
وبالنسبة ليها اكيد هتنسى بس كل حاجة فى وقتها
تطول بقى ماتطولش المهم انها هتنسى فى الاخر
جون مصر
يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااه
الجانى هو الاهل
بس انا عايز اوضح شى
اللى خلاه يرتبط ياختها الصغيرة دى لان هو شايف انة اقل من اللى هى بتحبة دى وشايف نظرة اهلها لية انها احسن منة وهو فاشل
فدة اكيد هيخلية يفكر فى واحدة تانية لانة لو اتجوزها هيحس طول حياتة انة اقل منها ومش هيعرف يعيش معاها وهيكون فى مشاكل
فالجانى هنا الاهل
بس الحل صعب يعنى لو كانت مثلا بنت خالتها ولا بنت عمها كنا قولنا هى ممكن تتصل بية وتفهم منة ولو هو قلقان من شى ولا فى مانع وعندها حل ولا حاجة
لكن دى اختها يعنى صعب انها تعمل خطوة زى دى
وغير كدة معلش الاهل المفروض انهم ما يوفقوش علية
هما مش مراعيين انة هيتجوز اختها يعنى هيفضل فى وشها على طول
وهى كدة مش هتعرف تحب ولا تعيش حياتها لان حبها الاول لسة ادامها
ولو اتجوزت حد تانى بامانة هى مش هتضمن نفسها فى اى لحظة ضعف وان حتى مجرد التفكير فى اى شخص تانى غير جوزها تعتبر خيانة
ودةهيحصل لانة ادمها على طول دة مرتبط باختها يعنى اكيد اكيد هتفكر فية وكدة
فالصح ان اهلها ما يوفقوش علية دة الحل وانها تبعد عنة
لان لو هو اتجوز اختها الصغيرة هتزيد المشاكل اكتر واكتر
لانة هيفضل ادمها وهى اكيد هتفكر فية
طب هيكون الموقف اية لما هو يتجوز اختها وهى تتجوز واحد تانى وهى لسة بتحبة اكيد مليون فى المية هتفكر فية
ودى هتبقى خيانة للزوج وللاخت
يعنى بكدة هيظلمو ناس كتير
وممكن الحكاية تكبر اكتر من كدة
انا بقول الجواز دة لو تم هيكون سبب فى ان الاختين دول هيتفرقو عن بعض
او هيحصل مشاكل كتير اوووووووووووووى فى المستقبل لانها مش هتعرف تنساه وهتفكر فية ودى هتكون خيانة لاختها ولجوزها فى المستقبل لانها مش هتنساه طول ما هو قدمها كدة
الاحسن والافضل ان الجوازة دى ما تمش
مثل القمر لي جانب مظلم
من ناحيته هوا كان ديمايحسسها انها حياته كلها خاصتا هي كانت بتكلمه في السرقه من ورا اهلها مهو مش معقوله انها تكون كل السنين دي بتحبه كدا من غير حتى تلميح اما من ناحيه اختها فهي صعب ترفض لانه ابن عمها ودا النظام في عيلتهم هي اللي مستغرباه انه هوا محاولش للحظه انه يبرر موقفه
مثل القمر لي جانب مظلم
يااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااه
الجانى هو الاهل
بس انا عايز اوضح شى
اللى خلاه يرتبط ياختها الصغيرة دى لان هو شايف انة اقل من اللى هى بتحبة دى وشايف نظرة اهلها لية انها احسن منة وهو فاشل
فدة اكيد هيخلية يفكر فى واحدة تانية لانة لو اتجوزها هيحس طول حياتة انة اقل منها ومش هيعرف يعيش معاها وهيكون فى مشاكل
فالجانى هنا الاهل
بس الحل صعب يعنى لو كانت مثلا بنت خالتها ولا بنت عمها كنا قولنا هى ممكن تتصل بية وتفهم منة ولو هو قلقان من شى ولا فى مانع وعندها حل ولا حاجة
لكن دى اختها يعنى صعب انها تعمل خطوة زى دى
وغير كدة معلش الاهل المفروض انهم ما يوفقوش علية
هما مش مراعيين انة هيتجوز اختها يعنى هيفضل فى وشها على طول
وهى كدة مش هتعرف تحب ولا تعيش حياتها لان حبها الاول لسة ادامها
ولو اتجوزت حد تانى بامانة هى مش هتضمن نفسها فى اى لحظة ضعف وان حتى مجرد التفكير فى اى شخص تانى غير جوزها تعتبر خيانة
زدة هيحصل لانة ادمها على طول دة مرتبط باختها يعنى اكيد اكيد هتفكر فية وكدة
فالصح ان اهلها ما يوفقوش علية دة الحل وانها تبعد عنة
لان لو هو اتجوز اختها الصغيرة هتزيد المشاكل اكتر واكتر
لانة هيفضل ادمها وهى اكيد هتفكر فية
طب هيكون الموقف اية لما هو يتجوز اختها وهى تتجوز واحد تانى وهى لسة بتحبة اكيد مليون فى المية هتفكر فية
ودى هتبقى خيانة للزوج وللاخت
يعنى بكدة هيظلمو ناس كتير
وممكن الحكاية تكبر اكتر من كدة
انا بقول الجواز دة لو تم هيكون سبب فى ان الاختين دول هيتفرقو عن بعض
او هيحصل مشاكل كتير اوووووووووووووى فى المستقبل لانهم مش هتعرف تنساه وهتفكر فية ودى هتكون خيانة لاختها ولجوزها فى المستقبل لانها مش هتنساه طول ما هو قدمها كدة
الاحسن والافضل ان الجوازة دى ما تمش









انا ماعك في الراي دا بس زي ماقلت العيله نظامها غبي مع احترامي الشديد.......... بس معقوله توصل ان واحد يسيب اللي بيحبها بس لمجرد ان مستواها اعلى منه في التعليم للدرجادي الحب بقى بالمستوى ؟



وبشكرك على مرورك
امو
كمان
واضح انه معقد يابنتى
وبعدين داقت بيه الدنيا مش لاقى غير اختها
وبعدين ازاى يعنى ماتقدرش ترفض
انتى مش بتقولى انه بالنسبة لاهله فاشل
يعنى المفروض هما اللى يرفضوه كمان مش هى

بس عامة لو حصل واختها اتجوزته هيحصل مشاكل لاتعد ولا تحصى
هما فى غنى عنها
جون مصر
هو دة بجد مش هينفع فية استغراب
دة كدة هما هيدمر حياتة بناتهم لو الجوازى دلا تمت غير السمعة
والمشاكل اللة ممكن تحصل
وشكل الواد اللى هى بتحبة مريض والله
مش عاقل
الواحد لما بيتجوز بيتجوز علشان يكمل شى ناقص فى حياته ويستقر
لكن اللى هو بيعملو دة تخلف
دة كدة بيفتح باب جهنم على العيلة كلها وبيزقهم فيها
ما ينفعش البنت دى مليون فى المية هتفكر فية ودى هتكون خيانة
وممكن يحصل شى اكبر من كدة
علشان كدة انتى لو تعرفى تتكلمى مع امها وتتكلمى معاها انها تقنع ابوها او امها بان الجوازة دى
هتكون سبب فى مصايب ملهاش حل
فبجد والله حاولى تلحقى صاحبتك
مثل القمر لي جانب مظلم
هياكل اللي هياخايفه منه انها لو تكلمت يفهموها غلط ويقولوا انها زعلانه عشان اختها اللي اصغر منها هتجوز قبلها وبعدين مرحله فشله دي كانت في الدراسه بعد كدا هو اشتغل وعدل حاله
امو
بس والله هو غريب ليه يعنى اختها
هو عاوز يجننها ولا ايه
المفروض بقى اختها يكون ليها دور
بما انها مش هتعرف تتكلم وهو بيستهبل
اختها هى اللى ترفض وتحاول بقدر الامكان
بصى يعنى تنضرب تتقطع يحصلها اللى يحصلها المهم ماتوافقش
وهما هيضطروا انهم يقبلو قرارها
لانهم ما ينفعش يجوزوها غصب عنها
مثل القمر لي جانب مظلم
انا من ناحيتي هحاول بكل مافيا اعمل اللي اقدر عليه وانتو دعواتكم معايا بجد حالها صعبان عليا
احزان غزل
بص هقول لكى على حاجة انا عارفة انه صعب عليكى كتير
ااتمنى لى اختك السعادة وخلاص هو اختار اختك وان شاء الله ربنا يرزقك بانسان افضل منه
حاولى تشغلى نفسك باى شى وكمان افتحى قلبك لااى انسان يخش حياتك ومتقفلش قلبك ومتقوليش مش احب تانى لا اكيد هتقبلى الانسان اللى بجد يحبك من كل قلبه وعلى فكرة انت لسه صغيرة وممكن بسهولة تحبى تانى

لاان البنت دايما بتميل لشخص الذى يحسسها بحبه ويقول لها كلمة حب
فى النهاية ممكن دا نصيب اختك بلاش تتكلمى وتقولى اى شى
وانت لو بجد بتحبى اختك اتمنى لها السعادة وانا عارفة انى فى البداية هيكون صعب عليكى لكن مع الايام هتنسى يوم ما يخش فى حياتك شخص اخر
مثل القمر لي جانب مظلم
بشكرك على مرورك
ودعواتك ليها يارب تخرج من الصدمه دي على خير
واحدة بتعشق عمرو دياب
مشكلة معقدة وفعلا صعبة

بس انا من وجهة نظرى انها تعرف اختها انها كانت بتحبة واكيد اختها لما تعرف كدا هترفضة

وتقول لاهلها واهلة انهم زى الاخوات ومينفعوش لبعض وهى بقا طبعاااااااا لازم تنساة

عارفة انة صعب وتعب عليها بس ددة الحل الوحيد البعد عنة راحة بجد

هو بقا يروح يخطب اى حد تانى معدا اختها الدنيا مضاقتش بية ع الاقل يبقا بعيد عنها هى واختها

وربنا معاها ويوفقها بحد يقدر حبهاوقلبها
klewa the zoldick
مش عارف


شكرا الك ارجوا التوفيق من الله



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
أنا ابن الأزهر الحانى
الداود انترناشونال لصناعة البالتات الخشب والبلاستيك

Powered by vBulletin Version 3.8.8
Copyright ©2000 - 2024, Jelsoft Enterprises Ltd
جميع الحقوق محفوظة © fmisr.com منتديات نجوم مصرية